ភ្នំពេញ៖ រយៈពេលបីខែដើមឆ្នាំ២០២២នេះ កម្ពុជាបាននាំចេញអង្ករទៅកាន់ប្រទេសចិនចំនួនប្រហែល៨.៨ម៉ឺនតោន ស្មើនឹង៥២%នៃការនាំចេញសរុប។ នេះបើយោងតាមទិន្នន័យរបស់ក្រសួងកសិកម្ម រុក្ខាប្រមាញ់ និងនេសាទ។
រយៈពេលបីខែដើមឆ្នាំ២០២២នេះ កម្ពុជានាំចេញអង្ករប្រមាណ១៧ម៉ឺនតោនទៅកាន់ប្រទេសនិងតំបន់ចំនួន៤៧ មានកំណើន១០.៩៦%បើធៀបនឹងរយៈដូចគ្នាកាលពីឆ្នាំ២០២១។ ក្នុងនោះ ប្រទេសចិននៅតែជាទីផ្សារនាំចេញអង្ករធំបំផុតសម្រាប់កម្ពុជា៕
