សហរដ្ឋអាមេរិកនឹងបញ្ជូនគ្រាប់រំសេវបន្ថែមគិតជាទឹកប្រាក់៥០០ លានដុល្លារដល់អ៊ុយក្រែន ហើយគ្រោងនឹងចំណាយជាង២ពាន់លានទៀតនាពេលអនាគត។
ក្រុមមន្ត្រីបាននិយាយនៅសប្តាហ៍នេះថា គ្រាប់រំសេវ និងគ្រាប់គ្រាប់បែកដៃ ហើយនិងរថយន្តដែលគិតជាទំហំសាច់ប្រាក់គឺ ៥០០លានដុល្លារ នឹងត្រូវបានយកចេញពីឃ្លាំងយោធាអាមេរិក ដូច្នេះអ៊ុយក្រែនអាចបន្តប្រើប្រាស់វាទៅមុខទៀតនៅក្នុងតំបន់សង្គ្រាម។ កញ្ចប់ចុងក្រោយបំផុត ជាមួយនឹងការលាយបញ្ចូលគ្នានៃជំនួយរយៈពេលខ្លី និងរយៈពេលវែង រួមមានប្រភេទគ្រាប់រំសេវជាច្រើនពីស្តុករបស់មន្ទីរបញ្ចកោណ និងការផ្តល់មូលនិធិសម្រាប់អាវុធបច្ចេកវិទ្យាខ្ពស់បន្ថែមទៀត រួមទាំងប្រព័ន្ធរ៉ុក្កែតប្រឆាំងយន្តហោះដ្រូន និងរ៉ាដាឃ្លាំមើលអាកាស។
ជំនួយរយៈពេលវែងគ្រោងទុកនាពេលអនាគតគឺជាង ២.១ ពាន់លានដុល្លារ ដែលផ្តល់ក្រោមគំនិតផ្តួចផ្តើមជំនួយសន្តិសុខអ៊ុយក្រែន នឹងត្រួសត្រាយផ្លូវទិញមីស៊ីលសម្រាប់ប្រព័ន្ធមីស៊ីលលើផ្ទៃទៅអាកាសកម្រិតខ្ពស់ជាតិ ឬ ហៅថា NASAMS ក៏ដូចជារ៉ាដា និងអាវុធផ្សេងទៀត។ នេះបើយោងតាមមន្ត្រីដែលបាននិយាយមិនបញ្ចេញឈ្មោះ។ ពេលវេលាដឹកជញ្ជូនមិនត្រូវបានបញ្ជាក់ឲ្យដឹងឡើយ៕
