ការនាំចេញរបស់កូរ៉េខាងត្បូងធ្លាក់ចុះក្នុងរយៈពេល៨ខែចុងក្រោយ

សកម្មភាពរោងការនាំចេញរបស់កូរ៉េខាងត្បូងបានធ្លាក់ចុះក្នុងរយៈពេលប្រាំបីខែជាប់គ្នាក្នុងខែឧសភាក្នុងលក្ខខណ្ឌប្រចាំឆ្នាំ។
ទិន្នន័យរបស់ក្រសួងពាណិជ្ជកម្មបានបង្ហាញកាលពីថ្ងៃព្រហស្បតិ៍ថា ការលក់នៅក្រៅប្រទេសរបស់ប្រទេសដែលមានសេដ្ឋកិច្ចធំជាងគេទីបួនរបស់អាស៊ីនេះបានធ្លាក់ចុះ ១៥.២% ពីមួយឆ្នាំទៅមួយឆ្នាំមកត្រឹម ៥២.២៤ ពាន់លានដុល្លារក្នុងខែឧសភា ធៀបនឹងការធ្លាក់ចុះ ១៤.៣% ក្នុងខែមេសា។ នេះបើតាមការស្ទង់មតិរបស់ Reuters ។
ការធ្លាក់ចុះគឺជារយៈពេលវែងបំផុត នៃការធ្លាក់ចុះពីមួយឆ្នាំទៅមួយឆ្នាំចាប់តាំងពីខែមករាឆ្នាំ ២០២០ ហើយភាគច្រើនត្រូវបានបង្កឡើងដោយតម្រូវការទន់ខ្សោយខាងផ្នែកឧបករណ៍ បន្ទះឈីប semiconductors ដែលអតិថិជនសំខាន់គឺប្រទេសចិន។
តាមទិសដៅ ការដឹកជញ្ជូនទៅកាន់ប្រទេសចិនបានធ្លាក់ចុះ ២០.៨% ។ វាគឺជាការខាតបង់ប្រចាំឆ្នាំលើកទី ១២ ជាប់ៗគ្នា។ ហើយការនាំចេញទៅកាន់សហរដ្ឋអាមេរិក និងសហភាពអឺរ៉ុបបានធ្លាក់ចុះ ១.៥% និង ៣.០% រៀងគ្នា។
បែបនេះក្តីលោក Chun Kyu-yeon សេដ្ឋវិទូនៅក្រុមហ៊ុន Hana Securities បាននិយាយថា “យើងជឿជាក់ថាការនាំចេញរបស់កូរ៉េខាងត្បូងបានឈានដល់កម្រិតទាបរួចទៅហើយនៅក្នុងត្រីមាសទី ២ ហើយនឹងកើនឡើងដល់កំណើនពីត្រីមាសទី ៣ បើទោះបីជាសេដ្ឋកិច្ចចិនងើបឡើងវិញយឺតជាងការគិតពីមុនក៏ដោយ”៕