ប្រទេសវៀតណាម នឹងដកហូតពន្ធប្រឆាំងការលក់បង្ខូចថ្លៃលើផលិតផលអំពៅរបស់ប្រទេសថៃ

(ហាណូយ)៖ ប្រទេសវៀតណាមបានដកហូតពន្ធប្រឆាំងការលក់បង្ខូចថ្លៃ និងប្រឆាំងការឧបត្ថម្ភធនលើផលិតផលអំពៅពីក្រុមហ៊ុនថៃមួយចំនួនចាប់ពីថ្ងៃទី១៨ ខែសីហា ២០២៣ ដល់ថ្ងៃទី១៥ ខែមិថុនា ឆ្នាំ២០២៦។ នេះបើយោងតាមកាសែត Vietnam Express។

ពន្ធគយទាំងនេះនឹងត្រូវដកហូតលើក្រុមហ៊ុន Mitr Phol Sugar ដែលជាក្រុមហ៊ុនផលិតស្ករ និងជីវថាមពលធំបំផុតរបស់អាស៊ី រួមជាមួយនឹងក្រុមហ៊ុនបុត្រសម្ព័ន្ធចំនួនបួនទៀត និងក្រុមហ៊ុន Czamikow Group Limited ។

យោងតាមក្រសួងឧស្សាហកម្ម និងពាណិជ្ជកម្មវៀតណាមបានឱ្យដឹងថា ក្រុមហ៊ុន Thai Roong Ruang Industry ដែលជាក្រុមហ៊ុនផលិតស្ករធំជាងគេទី២ របស់ប្រទេសថៃ រួមជាមួយនឹងក្រុមហ៊ុនបុត្រសម្ព័ន្ធចំនួន៥ របស់ក្រុមហ៊ុននេះក៏នឹងទទួលរងការដកហូតពន្ធនេះដែរ។

អត្រាពន្ធប្រឆាំងការលក់បង្ហូចថ្លៃទាបបំផុតនឹងមានអត្រា ២៥,៦៣% និងខ្ពស់បំផុត ៣២,៧៥%។ អត្រាខ្ពស់បំផុតនៃពន្ធប្រឆាំងការឧបត្ថម្ភធននឹងមានអត្រា ៤,៦៥% ។

នៅខែមិថុនា ឆ្នាំ២០២១ វៀតណាមបានចាប់ផ្តើមដកហូតពន្ធប្រឆាំងការលក់បង្ខូចថ្លៃ និងពន្ធប្រឆាំងការឧបត្ថម្ភធនលើស្ករអំពៅដែលនាំចូលពីប្រទេសថៃជាផ្លូវការ។ នៅពេលនោះ ពន្ធនេះមានអត្រា ៤៧,៦៤% ។ នៅខែសីហាឆ្នាំ២០២២ ក្រសួងឧស្សាហកម្ម និងពាណិជ្ជកម្មបានសម្រេចចិត្តរក្សាអត្រាពន្ធគយនេះ។

អាជ្ញាធរបានឱ្យដឹងថា ការស៊ើបអង្កេតបានបង្ហាញថា ផលិតផលអំពៅរបស់ប្រទេសថៃដែលចូលទីផ្សារវៀតណាមបានបង្កការខូចខាតយ៉ាងខ្លាំងដល់ផលិតកម្មក្នុងស្រុក ដែលបណ្តាលឱ្យមនុស្សចំនួន ៣ ៣០០នាក់បាត់បង់ការងាររបស់ពួកគេ និងគ្រួសរកសិករ ៩៣ ២២៥គ្រួសារបានរងផលប៉ះពាល់។ នេះបើយោងតាមកាសែត Vietnam Express៕