យោងតាមសេចក្ដីជូនដំណឹងរបស់ក្រសួងអប់រំ យុវជន និងកីឡា បានឱ្យដឹងថា ការប្រឡងជ្រើសរើសគ្រូបង្រៀនកម្រិតមូលដ្ឋានឯកទេសអបរំកាយ និងកីឡា ជំនាន់ទី៣១ នៅវិទ្យាស្ថានជាតិអប់រំកាយ និងកីឡា ដែលគ្រោងធ្វើឡើងនៅថ្ងៃទី១ ខែតុលា ឆ្នាំ២០២៣នេះ នឹងត្រូវបានផ្អាកការប្រឡងជាបណ្តោះអាសន្នរហូតដល់មានការជូនដំណឹងជាថ្មី។
ដូច្នេះអាស្រ័យហេតុសូមបេក្ខជន-បេក្ខនារីដែលបានដាក់ពាក្យនិងមានបំណងដាក់ពាក្យសុំចុះឈ្មោះចូលប្រឡងជ្រើសគ្រូបឯកទេសអបរំកាយ និងកីឡា ជំនាន់ទី៣១ នៅវិទ្យាស្ថានជាតិអប់រំកាយ និងកីឡាសម្រាប់ឆ្នាំ២០២៣ជ្រាបជាដំណឹង។
គួររំលឹកផងដែរថានៅអំឡុងខែកក្កដា ក្រសួងអប់រំ យុវជន និងកីឡា បានប្រកាសអំពីការធ្វើការប្រឡងជ្រើសរើសគ្រូបង្រៀនកម្រិតមូលដ្ឋានឯកទេសអប់រំកាយ និងកីឡា ជំនាន់ទី៣១ សម្រាប់ឆ្នាំ២០២៣ សរុបចំនួន ១០០ នាក់ ឲ្យចូលបង្រៀននៅវិទ្យាស្ថានជាតិអប់រំកាយ និងកីឡា ប៉ុន្តែបច្ចុប្បន្ននេះក្រសួងសូមធ្វើការផ្អាកការប្រឡងនេះជាបណ្តោះអាសន្ន៕
