អន្តរជាតិ៖ បើយោងតាមក្រសួងដឹកជញ្ជូនបានឱ្យដឹងថា ផលិតផល ក្នុងស្រុកសរុបនៃសេដ្ឋកិច្ចសមុទ្ររបស់ប្រទេសចិន ដែលគ្របដណ្តប់លើឧស្សាហកម្មរាប់ចាប់ពីនាវាចរណ៍ និងនេសាទ និងកប៉ាល់ បានកើនឡើងលើសពី ៩ ពាន់ពាន់លានយន់ (១,២៥ ពាន់ពាន់លានដុល្លារ) ក្នុងឆ្នាំ ២០២២។ នេះបើយោងតាមការចេញផ្សាយដោយសារព័ត៌មាន Xinhua។
ក្រសួងដដែលនេះបានចេញផ្សាយទិន្នន័យនេះនៅក្នុងវេទិកាមួយដែលប្រារព្ធទិវាដែនសមុទ្រលើកទី ១៩ នៅទីក្រុង Cangzhou ភាគខាងជើងខេត្ត Hebei របស់ប្រទេសចិន រយៈពេលមួយសប្តាហ៍ដែលមានប្រធានបទបង្ហាញពីសន្និសីទសិក្សា ការតាំងពិពណ៌ និងសកម្មភាពផ្សព្វផ្សាយវិទ្យាសាស្ត្រ។
យោងតាមរបាយការណ៍របស់ក្រសួង ប្រហែល ៩៥ ភាគរយនៃទំនិញពាណិជ្ជកម្មបរទេសរបស់ប្រទេសចិនត្រូវបានដឹកជញ្ជូនតាមសមុទ្រ។ នៅចុងឆ្នាំ ២០២២ ការដឹកជញ្ជូនរបស់ប្រទេសចិនបានឈានដល់ ៣៧០ លានតោន ដែលកើនឡើងទ្វេដងបើធៀបនឹង ១០ ឆ្នាំមុន ហើយទំហំនេះបានឡើងដល់លំដាប់ទី ២ នៅលើពិភពលោក៕
