តាមកាឲ្យដឹងរបស់ក្លឹប Valencia បានប្រាប់ថា កីឡាករ និង បុគ្គលិក ចំនួន 5 នាក់ ផ្សេង ទៀត ត្រូវ បាន ពិនិត្យ រក ឃើញ មាន វិជ្ជមាន វីរុស កូរ៉ូណា ប៉ុន្តែ ក្លឹប បាន បញ្ជាក់ ថា ពេល នេះ សុខភាព របស់ ពួក គេ មិន ធ្ងន់ធ្ងរ ទេ។ខ្សែ ការពារ របស់ Valencia និង ជម្រើស ជាតិ អាហ្សង់ទីន Ezequiel Garay បាន ក្លាយ ជា កីឡាករ នៅ La Liga ដំបូង ដែល ប្រកាស មាន ផ្ទុក វីរុស កូរ៉ូណា កាល ពី យប់ មិញ។ ប៉ុន្តែនៅ ប៉ុន្មាន ម៉ោង បន្ទាប់ កីឡាករ របស់ Valencia ៤ នាក់ ផ្សេង ទៀត មាន ទាំង Eliaquim Mangala ហើយនិង Jose Gaya ដែរ នោះ ត្រូវ បាន រក ឃើញ វីរុសនេះដូចគ្នា។អេស្ប៉ាញ ជា ប្រទេស ទី ពីរ ក្នុង តំបន់ អឺរ៉ុប ដែល មាន ការ រាតត្បាត ខ្លាំង ជាង គេ បន្ទាប់ ពី អ៊ីតាលី ហើយ គ្រោង ប្រកាស បិទ ប្រទេស នៅ ថ្ងៃ ច័ន្ទ នេះ។ លីគ កំពូល របស់អេស្ប៉ាញ La Liga បាន ប្រកាស ផ្អាក កាល ពី ថ្ងៃ ព្រហស្បតិ៍ បន្ទាប់ ពី កីឡាករ របស់ Real Madrid ត្រូវ បាន ដាក់ ដោយ ឡែក៕
