កំណែទម្រង់នេះនឹងផ្តល់ឱ្យគណៈកម្មាធិការកណ្តាលរបស់បក្សនូវអំណាចបន្ថែមទៀតលើបច្ចេកវិទ្យា និងហិរញ្ញវត្ថុ ក៏ដូចជាកិច្ចការហុងកុង និងម៉ាកាវ ការផ្លាស់ប្តូរនេះកើតឡើងនៅពេលដែលភាពជាអ្នកដឹកនាំរបស់ប្រទេសសម្លឹងរកការដោះស្រាយបញ្ហាប្រឈមដែលកំពុងកើនឡើងពីសហរដ្ឋអាមេរិក និងទប់ស្កាត់ហានិភ័យហិរញ្ញវត្ថុ។
ប្រធានាធិបតីចិនលោក Xi Jinping ត្រូវបានបញ្ជាក់នៅក្នុងអាណត្តិទីបីរបស់លោកកាលពីសប្តាហ៍មុន។
ថ្នាក់ដឹកនាំចិនកាលពីថ្ងៃព្រហស្បតិ៍បានបង្ហាញព័ត៌មានលម្អិតនៃផែនការជួសជុលអង្គភាពរដ្ឋ និងបក្សកុម្មុយនិស្ត ដើម្បីពង្រឹងការគ្រប់គ្រងលើវិស័យហិរញ្ញវត្ថុ និងជំរុញការអភិវឌ្ឍន៍វិទ្យាសាស្ត្រ និង បច្ចេកវិទ្យា ប្រឈមមុខនឹងអ្វីដែលប្រធានាធិបតី Xi Jinping ជឿជាក់ថានឹងកាន់តែមានភាពចលាចលពីខាងក្រៅ។ ផែនការនេះរួមបញ្ចូលទាំងការបង្កើត ស្ថាប័នដើម្បីអោយគណៈកម្មាធិការកណ្តាលរបស់បក្សដើម្បីត្រួតពិនិត្យវិស័យទាំងនេះ និងកិច្ចការហុងកុង និងម៉ាកាវ។
ការផ្លាស់ប្តូរនេះកើតឡើងនៅពេលដែលទីក្រុងប៉េកាំងកំពុងផ្តោតកាន់តែខ្លាំងលើការដោះស្រាយហានិភ័យផ្នែកហិរញ្ញវត្ថុ និងប្រឈមមុខនឹងភាពតានតឹងកាន់តែខ្លាំងជាមួយសហរដ្ឋអាមេរិក ដែលកំពុងព្យាយាមទប់ស្កាត់ការកើនឡើងរបស់ប្រទេសដោយការបង្កើនការរឹតបន្តឹងផ្នែកបច្ចេកវិទ្យា។
ដោយៈ សុខ សិទ្ធិការ្យ
