អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បាននិយាយកាលពីថ្ងៃសុក្រថា ពលរដ្ឋអ៊ុយក្រែនជាង ៥សែននាក់ត្រូវបាននិរទេសទៅកាន់ប្រទេសរុស្ស៊ី ចាប់តាំងពីការចាប់ផ្ដើមសង្គ្រាម។ លោក Zelenskyy បាននិយាយក្នុងអំឡុងពេលសុន្ទរកថារបស់លោកនៅចំពោះមុខសភាប្រទេសអ៊ីស្លង់ថា រុស្ស៊ីបាននិយាយជាយូរមកហើយដែលតាមការចោទប្រកាន់ថា អ៊ុយក្រែនគ្មានសិទ្ធិមានឯករាជ្យនោះទេ។ 
លោកនិយាយថា ប្រជាជនអ៊ុយក្រែនដែលត្រូវបាននិរទេសបានបញ្ជូនទៅកាន់តំបន់ដាច់ស្រយាល និងតំបន់ផ្សេងទៀតរបស់ប្រទេសរុស្ស៊ី។ លោក Zelenskyy បានបញ្ចប់ដោយការថ្លែងអំណរគុណដល់ប្រទេសអ៊ីស្លង់ សម្រាប់ការគាំទ្រចំពោះការដាក់ទណ្ឌកម្មលើប្រទេសរុស្ស៊ី និងទទួលបានការក្រោកឈរសាទរបន្ទាប់ពីសុន្ទរកថារបស់លោក។ មានកិច្ចខិតខំប្រឹងប្រែងពីអន្តរជាតិថ្មីកាលពីថ្ងៃសុក្រ ដើម្បីជួយសង្គ្រោះជនស៊ីវិលបន្ថែមទៀតពីបន្ទប់ក្រោមដីនៅក្រោមរោងចក្រក្នុងទីក្រុង Mariupol និងទីក្រុងទាំងមូល ទោះបីជាក្រុមអ្នកប្រយុទ្ធបានជាប់នៅបរិវេណរោងចក្រដែកឈរជើងចុងក្រោយរបស់ពួកគេ ដើម្បីការពារការដណ្ដើមយកទាំងស្រុងកំពង់ផែយុទ្ធសាស្ត្ររបស់ទីក្រុងមូស្គូ៕
