អ្នកត្រូវបានគេជួយសង្គ្រោះជីវិតបានប្រាប់ប្រព័ន្ធផ្សព្វផ្សាយក្នុងស្រុកថា ជនចំណាកស្រុកចំនួន 41 នាក់បានស្លាប់នៅក្នុងការលិចកប៉ាល់នៅឯកោះ Lampedusa របស់ប្រទេសអ៊ីតាលី។
មនុស្ស 4 នាក់ដែលបានរួចរស់ជីវិតពីគ្រោះមហន្តរាយមួយនេះបានប្រាប់អ្នកជួយសង្គ្រោះថា ពួកគេនៅលើទូកដែលបានចេញពី Sfax ក្នុងទុយនីស៊ីហើយបានលិចតាមផ្លូវទៅប្រទេសអ៊ីតាលី។ អ្នកទាំងបួននាក់នេះមកពីប្រទេស Ivory Coast និង Guinea បានទៅដល់ Lampedusa កាលពីថ្ងៃពុធ។ នៅក្នុងឆ្នាំនេះមានមនុស្សយ៉ាងតិចជាង 1,800 នាក់បានបាត់បង់ជីវិត ក្នុងការឆ្លងដែនពីអាហ្វ្រិកខាងជើងទៅអឺរ៉ុប។ អ្នកនៅរស់រានមានជីវិត មានបុរស ៣នាក់ និងស្ត្រីម្នាក់ បានប្រាប់ក្រុមអ្នកជួយសង្គ្រោះថា ពួកគេនៅលើទូកដែលមានផ្ទុកមនុស្ស ៤៥ នាក់ រួមទាំងកុមារ ៣ នាក់ផងដែរ។
ពួកគេបាននិយាយថា ទូករបស់ពួកគេបានចាកចេញពី Sfax កាលពីថ្ងៃព្រហស្បតិ៍សប្តាហ៍មុន ប៉ុន្តែបានលិចក្នុងរយៈពេលប៉ុន្មានម៉ោងក្រោយមក។ ពួកគេបានបន្ថែមថា ពួកគេត្រូវបានជួយសង្គ្រោះដោយកប៉ាល់ដឹកទំនិញ ហើយបន្ទាប់មកបានផ្ទេរទៅកាន់នាវាឆ្មាំឆ្នេរសមុទ្រអ៊ីតាលី។ ឆ្មាំឆ្នេរសមុទ្រអ៊ីតាលីបានរាយការណ៍ពីការលិចកប៉ាល់ចំនួនពីរនៅក្នុងតំបន់កាលពីថ្ងៃអាទិត្យ ប៉ុន្តែវាមិនច្បាស់ថាតើកប៉ាល់នេះគឺជានាវាមួយក្នុងចំណោមនោះនោះទេ។
អាជ្ញាធរទុយនីស៊ីបាននិយាយថា Sfax ដែលជាទីក្រុងកំពង់ផែចម្ងាយប្រហែល 80 ម៉ាយល៍ (130 គីឡូម៉ែត្រ) ពី Lampedusa គឺជាច្រកផ្លូវដ៏ពេញនិយមសម្រាប់ជនចំណាកស្រុកដែលស្វែងរកសុវត្ថិភាព និងជីវិតកាន់តែប្រសើរឡើងនៅអឺរ៉ុប។
ក្នុងរយៈពេលប៉ុន្មានថ្ងៃថ្មីៗនេះ ទូកល្បាតអ៊ីតាលី និងក្រុមសប្បុរសធម៌បានជួយសង្គ្រោះមនុស្ស 2,000 នាក់រួចមកហើយ ដែលបានមកដល់លើកោះ Lampedusa ។ កត្តាដែលធ្វើឲ្យមានជនចំណាកស្រុកតាមទូកបានកើនឡើងជាខ្នាំង ក៏ដោសារតែប្រទេសទុយនីស៊ីមួយរយៈពេលប៉ុន្មានខែថ្មីៗនេះ ត្រូវបានគេសង្គេតឃើញថា មានការរើសអើងជាតិសាសន៍ប្រឆាំងនឹងជនជាតិអាហ្វ្រិកស្បែកខ្មៅជាខ្លាំង ទើបធ្វើឲ្យមានការប៉ុនប៉ងចាកចេញពីប្រទេសនេះ៕
ប្រភពៈ CNN
