បើយោងតាមអគ្គនាយកដ្ឋានគយ និងរដ្ឋាករ ចេញផ្សាយកាលពីថ្ងៃចន្ទ អោយដឹងថា ប្រទេសកម្ពុជាបានកត់ត្រាទំហំពាណិជ្ជកម្មអន្តរជាតិចំនួន 11.25 ពាន់លានដុល្លារអាមេរិកក្នុងអំឡុងត្រីមាសទី 1 ឆ្នាំ 2023 ពោលគឺធ្លាក់ចុះ 14.5 ភាគរយពី 13.16 ពាន់លានដុល្លារក្នុងរយៈពេលដូចគ្នាកាលពីឆ្នាំមុន។
ការនាំចេញសរុបរបស់ព្រះរាជាណាចក្រនេះមានតម្លៃ 5.39 ពាន់លានដុល្លារក្នុងអំឡុងខែមករាដល់ខែមីនាឆ្នាំនេះ ធ្លាក់ចុះ 5.7 ភាគរយពីមួយឆ្នាំទៅមួយឆ្នាំ ហើយការនាំចូលសរុបត្រូវបានចុះបញ្ជីចំនួន 5.86 ពាន់លានដុល្លារ ធ្លាក់ចុះ 21.3 ភាគរយ នេះបើយោងតាមអគ្គនាយកដ្ឋានគយ និងរដ្ឋាករ។
របាយការណ៍បានបង្ហាញថា ប្រទេសកម្ពុជា បាននាំចេញផលិតផលសម្លៀកបំពាក់ ស្បែកជើង និងទំនិញធ្វើដំណើរមានតម្លៃ 2.42 ពាន់លានដុល្លារក្នុងត្រីមាសទី 1 ឆ្នាំនេះ ពោលគឺធ្លាក់ចុះ 22 ភាគរយពីទំហំទឹកប្រាក់ 3.12 ពាន់លានដុល្លារក្នុងរយៈពេលដូចគ្នាកាលពីឆ្នាំមុន។
សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានមានប្រសាសន៍កាលថា ស្ថានភាពសេដ្ឋកិច្ចពិភពលោកបច្ចុប្បន្នមិនល្អទេ ទាំងនៅសហរដ្ឋអាមេរិក និងអឺរ៉ុប ដោយបានប៉ះពាល់ដល់សេដ្ឋកិច្ចពិភពលោកតាមរយៈកើនឡើងអត្រាអតិផរណា។
លោកបន្ថែមថា ការធ្លាក់ចុះប្រាក់ចំណូលរបស់ប្រជាជនក្នុងប្រទេសមួយចំនួននៅក្នុងប្រទេសអឺរ៉ុប និងសហរដ្ឋអាមេរិច បានធ្វើអោយបញ្ជាទិញទំនិញពីប្រទេសកម្ពុជាក៏ធ្លាក់ចុះដែរ។
