តាមរយះប្រភពព័ត៌មាន CNN បានអោយដឹងថាសហរដ្ឋ មេរិកបានអនុម័តថវិកាចំនួន ២,៦៩ លានដុល្លារអាមេរិកបន្ថែមទៀត សម្រាប់ជំនួយសុខភាពនិងមនុស្សធម៌ ការប្រយុទ្ធប្រឆាំងនឹង COVID-19 របស់ហ្វីលីពីនបន្ទាប់ពីនាយកប្រតិបត្តិនៃប្រទេសទាំងពីរបានចូលរួម ប្រជុំតាមទូរស័ព្ទដើម្បីពិភាក្សា ពីការឆ្លើយតបនឹងមេរោគឆ្លងនេះ ។
ស្ថានទូតសហរដ្ឋអាមេរិក នៅទីក្រុងម៉ានីលក្នុងប្រទេសហ្វីលីពីន បានប្រកាសកាលពី ថ្ងៃពុធថារដ្ឋាភិបាលសហរដ្ឋអាមេរិក បានបេីកភ្លេីងខៀវសម្រាប់ការបរិច្ចាគបន្ថែម ដល់ប្រទេសនេះដើម្បីផ្គត់ផ្គង់ដល់មន្ទីរពិសោធន៍ និងប្រព័ន្ធដឹកជញ្ជូនគំរូ និងជួយអ្នកជំនាញផ្នែកសុខភាព បង្កើនការស្វែងរកករណី និងតាមដានជំងឺ ។
ជំនួយហិរញ្ញវត្ថុអន្តរជាតិ ក៏នឹងជួយអ្នកជំនាញបច្ចេកទេសហ្វីលីពីន ក្នុងការទំនាក់ទំនងការការពារ ពីហានិភ័យនិងការឆ្លង ការផ្សព្វផ្សាយការលាងដៃនិង អនាម័យនិងការឆ្លើយតប ត្រៀមសម្រាប់កម្រិតសហគមន៍ ។
នៅថ្ងៃទី ១៩ ខែមេសា ប្រធានាធិបតីសហរដ្ឋអាមេរិក Donald Trump និង ប្រធានាធិបតី Rodrigo Duterte បាននិយាយតាមទូរស័ព្ទ ដើម្បីពិភាក្សាអំពីកិច្ចសហប្រតិបត្តិការទ្វេភាគី លើការឆ្លើយតបនឺងជំងឹ COVID-19 ។
ក្នុងអំឡុងពេលសន្ទនា តាមទូរស័ព្ទរបស់ពួកគេលោក Donald Trump បានបង្ហាញពីសាមគ្គីភាព និងផ្តល់ជំនួយបន្ថែមខណៈដែល ហ្វីលីពីនបន្តដោះស្រាយការ ខូចខាតសុខភាពនិង សេដ្ឋកិច្ចដែលនាំមកដោយ វីរុសដ៏សាហាវនេះ។ លោកក៏បានចូលរួមរំលែកទុក្ខ ចំពោះមរណភាពរបស់ទាហាន ហ្វីលីពីន ១១ នាក់ដែលត្រូវបានសម្លាប់ថ្មីៗ នេះនៅក្នុងការប៉ះទង្គិចគ្នា ជាមួយក្រុមអាប៊ូសាយយ៉ាហ្វ ។
លោក Donald Trump និងលោក Rodrigo Duterte ក៏បាននិយាយអំពីរបៀប ដែលពួកគេអាចពង្រឹង ទំនាក់ទំនងសេដ្ឋកិច្ច វប្បធម៌និងសន្តិសុខ របស់ប្រទេសរបស់ពួកគេ ។
មេដឹកនាំទាំងពីរ បានឯកភាពគ្នាបន្តធ្វើការ ជាមួយគ្នាក្នុងនាមជាសម្ព័ន្ធមិត្ត ដែលមានរយៈពេលយូរដើម្បី កម្ចាត់ជំងឺរាតត្បាតឆ្លងរាលដាលជួយសង្គ្រោះអាយុជីវិតនិងស្តារសេដ្ឋកិច្ចសកលឡើងវិញ ។
សហរដ្ឋអាមេរិក កាលពីមុនបានបរិច្ចាគ ៤ លានដុល្លារ សម្រាប់ក្រុមគ្រូពេទ្យផ្នែកវេជ្ជសាស្ត្រ និងអ្នកជំងឺ របស់ប្រទេសហ្វីលីពីន ។
ក្នុងរយៈពេល ២០ ឆ្នាំកន្លងមកនេះប្រទេសនេះបានវិនិយោគជាង ៤,៥ ពាន់លានដុល្លារដល់ប្រទេសហ្វីលីពីនហើយក្នុងនោះមាន ៥៨២ លានដុល្លារសម្រាប់ប្រព័ន្ធសុខភាពសាធារណៈក្នុងស្រុក។
កែសម្រូល៖គង់ សុីសូដា
