មីយ៉ាន់ម៉ា៖ ក្រុមសកម្មជនសិទ្ធិមនុស្សនៅសហភាពមីយ៉ាន់ម៉ានិយាយថា ចំនួនអ្នកស្លាប់ពីការតវ៉ាប្រឆាំងរដ្ឋប្រហារកំពុងកើនឡើង ខណៈយោធារបស់ប្រទេសនេះនៅតែបន្តការបង្ក្រាបលើប្រជាពលរដ្ឋ។
ក្រុមសិទ្ធិមនុស្សបាននិយាយថា ពលរដ្ឋចំនួន ៧១០នាក់ត្រូវបានសម្លាប់ចាប់តាំងពីរដ្ឋប្រហារថ្ងៃទី១ ខែកុម្ភៈ រួមទាំងកុមារ ៥០នាក់ផងដែរ។ ការតវ៉ានៅតែបន្តនៅតាមតំបន់នានា រួមទាំងទីក្រុងធំបំផុត Mandalay និងភាគខាងត្បូងទីក្រុង Dawei ទោះបីជាថ្ងៃឈប់សម្រាកក្នុងឱកាសពិធីបុណ្យចូលឆ្នាំថ្មីមានរយៈពេល ១សប្ដាហ៍បានចាប់ផ្ដើមនៅថ្ងៃអង្គារនេះក៏ដោយ។ សារព័ត៌មានក្នុងស្រុកបានរាយការណ៍អំពីការបាញ់សម្លាប់ជាច្រើន ពីសំណាក់កងកម្លាំងសន្តិសុខទូទាំងប្រទេស។ កុមារអាយុ ៧ឆ្នាំម្នាក់ត្រូវគេរាយការណ៍ថា ត្រូវបានបាញ់សម្លាប់នៅភាគឦសានតំបន់ Sagaing៕
