សន្និសីទអង្គការសហប្រជាជាតិស្តីពីពាណិជ្ជកម្មនិងការអភិវឌ្ឍចេញផ្សាយអត្ថបទថា៖ប្រទេសចិនបានក្លាយពី“អ្នកចូលរួម” ទៅជាអ្នកនាំមុខផ្នែកពាណិជ្ជកម្មពិភពលោក
ថ្ងៃទី ២៧ ខែមេសា តាមម៉ោងក្នុងតំបន់ សន្និសីទអង្គការសហប្រជាជាតិស្តីពីពាណិជ្ជកម្មនិងការអភិវឌ្ឍ ដែលមានទីចាក់ការទូទៅនៅទីក្រុងហ្សឺណែវបានចេញផ្សាយបទអត្ថាធិប្បាយដោយលើកឡើងថា ការអភិវឌ្ឍសេដ្ឋកិច្ចរបស់ប្រទេសចិនគឺជារឿងមួយដែលមិនធ្លាប់មានកាលពីមុន ប្រទេសចិនបានក្លាយពី“អ្នកចូលរួម”នៃពាណិជ្ជកម្មពិភពលោកកាលពីមុនក្លាយជាអ្នកនាំមុខផ្នែកពាណិជ្ជកម្មពិភពលោកដូចសព្វថ្ងៃនេះ។
នៅក្នុងអត្ថបទនៃសន្និសីទអង្គការសហប្រជាជាតិស្តីពីពាណិជ្ជកម្មនិងការអភិវឌ្ឍបានចង្អុលបង្ហាញថា ក្នុងទសវត្សរ៍ឆ្នាំ៧០នៃសតវត្សរ៍មុន ប្រទេសចិនបានចាប់ផ្តើមធ្វើកំណែទម្រង់មួយចំនួន ដើម្បីលើកកម្ពស់កម្រិតសេដ្ឋកិច្ច និងបើកទូលាយចំពោះពិភពលោក នៅពេលនោះ អនុបាតនៃពាណិជ្ជកម្មពិភពលោករបស់ប្រទេសចិនមិនដល់ ១% ផង។បន្ទាប់ពីចូលជាសមាជិកអង្គការពាណិជ្ជកម្មពិភពលោកនៅឆ្នាំ ២០០១ ការនាំចេញរបស់ប្រទេសចិនបានកើនឡើងយ៉ាងខ្លាំង។ ដល់ឆ្នាំ ២០១០ ប្រទេសចិនគឺជាអ្នកឈ្នះជើងឯកនាំចេញដែលគ្មានជម្លោះ។
ក្នុងកំឡុងពេលនៃការរីករាលដាលនៃជំងឺកូវីដ១៩ តួនាទីសំខាន់របស់ប្រទេសចិននៅក្នុងសេដ្ឋកិច្ចពិភពលោកត្រូវបានរំលេចបន្ថែមទៀត។ដល់ឆ្នាំ ២០២០ អនុបាតនៃពាណិជ្ជកម្មពិភពលោករបស់ប្រទេសចិនបានបន្តកើនឡើងដែលឈានដល់រហូតជិត ១៥% ៕
