ប្រទេសថៃ៖ អ្នកដំណើរមកដល់របស់ប្រទេសកម្ពុជាមានចំនួន ៣០ ករណីក្នុងចំណោមករណីនាំចូលសរុបចំនួន ៦២ ករណីនៃជំងឺកូវីដ-១៩ ដែលបានរាយការណ៍នៅក្នុងប្រទេសថៃកាលពីថ្ងៃសុក្រ។
ក្រៅពីនោះគឺមកពី២១ប្រទេស ហើយមាន៣នាក់ក្នុងប្រទេសនីមួយៗ មកពីប្រទេសស្វីស ចក្រភពអង់គ្លេស និងអ៊ីស្រាអែល និងពីរនាក់មកពីប្រទេសស៊ុយអែត សិង្ហបុរី សហរដ្ឋអាមេរិក ជប៉ុន និងកូរ៉េខាងត្បូង។
ក្រសួងសុខាភិបាលសាធារណៈបានរាយការណ៍កាលពីថ្ងៃសុក្រថា មានករណីស្លាប់ដោយសារកូវីដ-១៩ ចំនួន ៩២ នាក់ ដែលជាចំនួនខ្ពស់បំផុតរហូតមកដល់ពេលនេះនៅក្នុងរលកចុងក្រោយ និងកម្រិតខ្ពស់បំផុតចំនួន ២៨,៣៧៩ ករណីក្នុងរយៈពេល ២៤ ម៉ោងមុននេះ។
ចំនួននេះធៀបនឹងករណីស្លាប់ដែលទាក់ទងនឹងមេរោគកូរ៉ូណាចំនួន ៨៥ នាក់ និងករណីឆ្លងថ្មីចំនួន ២៧,៥៦០ ត្រូវបានរាយការណ៍កាលពីថ្ងៃព្រហស្បតិ៍។
តួលេខនេះមិនរាប់បញ្ចូលលទ្ធផលវិជ្ជមានចំនួន ២២,៣៣១ ពីការធ្វើតេស្តអង់ទីហ្សែនក្នុងរយៈពេល ២៤ ម៉ោងចុងក្រោយនេះទេ។ ចំនួននេះនឹងបង្កើនចំនួនសរុបដល់ ៥០,៧១០ (កើនឡើងពី ៤៣,៦៣៩កាលពីថ្ងៃមុន)។
អ្នកស្លាប់ទាំង ៩២នាក់ មានអាយុចាប់ពី ១១ខែ ដល់ ៩៧ឆ្នាំ និងរាប់បញ្ចូលទាំងជនបរទេស ៣នាក់ មកពីមីយ៉ាន់ម៉ា ស៊ុយអែត និងអាមេរិក។
នៅថ្ងៃព្រហស្បតិ៍មនុស្សចំនួន ២៥១,២១៤ នាក់បានទទួលការព្យាបាលកូវីដ-១៩ (កើនឡើងពី ២៤៦,៧៧០ នៅថ្ងៃមុន) ក្នុងនោះ ៦៤,៤១៩ ព្យាបាលនៅមន្ទីរពេទ្យ (កើនឡើងពី ៦២,៧៤៧) រួមទាំងអ្នកជំងឺធ្ងន់ធ្ងរចំនួន ១,៨២៨ នាក់ ដែលមានជំងឺរលាកសួត (កើនឡើងពី ១,៨០៨) និង ៧១២ ពឹងផ្អែកលើម៉ាស៊ីនដកដង្ហើម (ធ្លាក់ចុះពី ៧១៣ )
ក្នុងរយៈពេល ២៤ ម៉ោងក៏ឃើញមានអ្នកជំងឺកូវីដ-១៩ ចំនួន ២៣,៨៤៣ ត្រូវបានអនុញ្ញាតអោយចេញពីមន្ទីរពេទ្យបន្ទាប់ពីបានជាសះស្បើយពីវីរុសនេះ។
ចាប់តាំងពីជំងឺរាតត្បាតបានចាប់ផ្តើមនៅដើមឆ្នាំ២០២០ មានករណីឆ្លងកូវីដ-១៩ ចំនួន ៣,៦៥៦,៧២៦ដែលក្នុងនោះមាន ១,៤៣៣,២៩១ ក្នុងឆ្នាំនេះ ជាមួយនឹងការជាសះស្បើយពេញលេញចំនួន ៣,៣៨០,២៩០ រហូតមកដល់បច្ចុប្បន្ន។
ករណីស្លាប់សរុបមានចំនួន ២៥,២២២នាក់ ចាប់តាំងពីការចាប់ផ្តើមនៃជំងឺរាតត្បាតរួមទាំង ៣,៥២៤ករណី ក្នុងឆ្នាំនេះ។
