(ក្រុងព្រះសីហនុ) ៖ មានសេចក្តីរាយការណ៍មកថា មានបុរសជនជាតិចិនម្នាក់បានធ្វើសកម្មភាពអារដៃខ្លួនឯង ក្រោយមកបានលោតសម្លាប់ខ្លួន នៅអាគារមួយកន្លែង បណ្តាលឲ្យស្លាប់ភ្លាមៗក្នុងថ្លុកឈាម ។
ហេតុការណ៍នេះបានបង្កឲ្យមានការភ្ញាក់ផ្អើលដល់សមត្ថកិច្ចចុះស្រាវជ្រាវនៅវេលាម៉ោង០៩ព្រឹកថ្ងៃទី២៥ ខែមេសា ឆ្នាំ២០២២នេះ នៅចំណុចជាន់ទី១៣ ក្នុងសណ្ឋាគារ សុី យ៉ា ធូ ស្ថិតក្នុងភូមិ០២ សង្កាត់លេខ២ ក្រុងព្រះសីហនុ ខេត្តព្រះសីហនុ ។
តាមការសន្និដ្ឋានរបស់សមត្ថកិច្ចជាបឋមបានប្រាប់អ្នកយកព័ត៌មានថា បុរសជនជាតិចិនខាងលើនេះអាចប្រើរប្រាស់ថ្នាំញៀនលើសកំរឹតរហូតគ្រប់គ្រងសតិអារម្មណ៍ខ្លួនឯងលែងបាន ឈានដល់យកកាំបិតអារដៃខ្លួនឯង បណ្តាលឲ្យមានរបួស ក្រោយមកសម្រេចចិត្តលោតសម្លាប់ខ្លួន ពីជាន់ទី១៣មកដី បណ្តាលឲ្យស្លាប់មួយរំពេចន៍ ។
បច្ចុប្បន្ន សាកសពបុរសជនជាតិខាងលើត្រូវបានសមត្ថកិច្ចវិចខ្ចប់យកទៅរក្សាទុក រងចាំបន្តធ្វើកោសល្យវិច្ច័យ និងប្រគល់ជូនសាចញ្ញាតិក្រុមគ្រួសារសាមុី យកទៅធ្វើបុណ្យតាមប្រពៃណី ៕
