Alynana Media Cambodia
Icon Collap
LeftSide2
Right2RightSideBar
Borey Vimean Samnang បុរី វិមានសំណាង
TopContent CheckinMe
TopContent KW SAM SN

ម្ហូប​ខ្មែរ​មិន​ចោលប្រហុកកេរ្តិ៍​ដូនតា ​ធ្វើត្រឹមត្រូវល្អ អាច​​រក្សា​ទុក ៤ ទៅ ៥ ឆ្នាំ

Admin Alynana | May 03, 2022
ម្ហូប​ខ្មែរ​មិន​ចោលប្រហុកកេរ្តិ៍​ដូនតា ​ធ្វើត្រឹមត្រូវល្អ អាច​​រក្សា​ទុក ៤ ទៅ ៥ ឆ្នាំ
TopContent KW SAM SN Middle

កម្ពុជា៖ មាន​ម្ហូប​ខ្មែរ​ជា​ច្រើនមុខ ដែលយកប្រហុកជាគ្រឿង​ផ្សំ​ពុំអាចខ្វះបានដូចជា​សម្ល​ម្ជូរ, សម្ល​កកូរ, និង ទឹក​គ្រឿង​ជាដើម។ ក្រៅពី​ធ្វើជា​គ្រឿងផ្សំ ប្រហុក​ក៏អាចច្នៃ​ចេញជាមុខម្ហូបដាច់​ដោយឡែក​តែឯង ពោល​គឺ​គ្រាន់តែថែមគ្រឿងក្រៅខ្លះទៀត​ទៅតាមការចូលចិត្ត ដូចជា​ធ្វើប្រហុក​ដុត, ប្រហុក​ខ្ទិះ, ប្រហុក​គ្រឿង, ប្រហុក​ឆៅ, ប្រហុក​ជូរ​ជា​ដើម។
54070294_2234275386639683_8395292596905181184_o

ការធ្វើប្រហុក​សម្រាប់ត្រៀមទុកហូប​ជាទំនៀមទម្លាប់​តាំងពីយូរយារណាស់​មកហើយ។ អ្នកស្រុក​ស្រែចម្ការ​ភាគច្រើន ពិសេស​អ្នកស្រុករស់នៅក្បែរ​ដង ទន្លេ ព្រែក បឹង​បួរ ឲ្យតែដល់​រដូវទឹក​សម្រក ដែល​ជារដូវត្រី​សម្បូណ៌ ពោល គឺចាប់​ពីខែ​បុស្ស រហូត​ដល់ខែ​ផល្គុន ឬ​ខែចេត្រ គេតែងនាំ​គ្នាធ្វើដំណើរ​តាមរទេះ ឆ្ពោះទៅកាន់​ដងទន្លេ ដើម្បី​នេសាទ​ឬក៏ទិញត្រីធ្វើប្រហុក។ ម្ល៉ោះ​ហើយ កម្រ​មាន​គ្រួសារណាមួយ​ដែលមិន​ធ្វើប្រហុក​នោះទេ ទោះ​បីជាអ្នកខ្លះ​ខ្សត់ខ្សោយ​លុយ កាក់​ក៏​ខំប្រឹង​ធ្វើតិច​ឬច្រើន​ទៅតាម​ធនធាន ហើយ​ខ្លះ​ទៀតដល់​ទៅខ្ចីលុយគេ ដើម្បីយក​មកធ្វើ​ប្រហុក​ទៀតផង។
78580052_2511233665640350_1702492884009222144_n

អ្នកស្រុក​ខ្លះទិញត្រី​យកមក​ធ្វើឯផ្ទះ រីឯខ្លះ​ទៀត​ទៅស្នាក់​នៅ​តាម​មាត់ទន្លេ​រហូត​ដល់​ធ្វើ​ប្រហុក​រួចរាល់​ទើបត្រឡប់មកផ្ទះ​វិញ។ មិនថាតែអ្នកធ្វើត្រីប្រហុក​ប៉ុណ្ណោះ​ទេ សូម្បីតែ​អ្នកនេសាទត្រី​ក៏ត្រូវ​ស្នាក់​នៅទីនោះ​ដែរ ដើម្បីនេសាទ​ត្រីទាំង​ថ្ងៃទាំងយប់ ដ្បិត​ជាឱកាស​ដែលអាចរកប្រាក់ ចំណូល​បាន​ច្រើន។ ម្ល៉ោះហើយ​ឲ្យតែដល់រដូវធ្វើត្រីប្រហុក​ម្តងៗ គេតែងឃើញ រោងស្នាក់​នៅផ្តុំគ្នា​ជាច្រើន​នៅតាមដងទន្លេ។

ត្រីដែលយកមកធ្វើប្រហុក ភាគច្រើនជាប្រភេទត្រី​ល្អិតមាន​ដូច​ជា​ត្រីរៀល, ត្រីលេញ, ត្រី​កំភ្លាញ​ជាដើម។ ប៉ុន្តែ អ្នក​មានធនធានខ្លះ​ក៏យកត្រីធំៗ​ដូចជាត្រី​រ៉ស់, ត្រីឆ្តោរ, ត្រីក្អែក, ត្រី​សណ្តាយ​មក​ធ្វើ​ប្រហុកដែរ ដែលនោះ​ជាប្រភេទ​ប្រហុកសាច់ (ប្រហុក​ដែល​គ្មានឆ្អឹង) ដែល​មានឱជា​រសឆ្ងាញ់ និង​មាន​តម្លៃថ្លៃ។

Nokorthom-12-12-2020-52

គ្រឿងផ្សំ​សំខាន់​សម្រាប់ធ្វើប្រហុក​មានតែពីរមុខប៉ុណ្ណោះ គឺត្រី និង​អំបិល។ ដំបូង គេ​យក​ត្រីទៅ​កោស​ស្រកា, កាត់​ក្បាល, វះពោះ​យក​អាចម៍​ចេញ រួច​យក​ត្រី​ទាំងនោះ​ទៅដាក់​ក្នុង​ជាល​ឬ​កំប្រោង ឬ​កូន​ពាង ហើយ​យក​ទៅ​ជាន់​លាង​សម្អាត​ស្រកា និង​ខ្លាញ់​នៅក្នុងទឹកទន្លេ ឬស្ទឹង បឹងបួរ ដែល​នៅ​ក្បែរ​នោះ។ ការជាន់​លាងសម្អាត​នេះ ជា​ដំណាក់កាល​សំខាន់ ដ្បិត​បើ​លាង​មិន​ស្អាត​ខ្លាញ់​ទេ នឹង​ធ្វើឲ្យ​ប្រហុក​ឆាប់​ធំ​ក្លិនខាល​និង​ឆាប់ខូច។ ហេតុនេះ គេត្រូវជាន់លាង​បង្ហូរខ្លាញ់ ជាច្រើន​ដង​រហូត​ត្រី​ឡើង​សម្បុរស។ ការជាន់លាង​សម្អាតនេះ ត្រូវការទឹកច្រើន ម្ល៉ោះ​ហើយ​នេះ​ក៏ជាមូលហេតុ​សម្រាប់​អ្នកដែល​ធ្វើប្រហុកច្រើន​ទៅស្នាក់នៅជាប់​មាត់ទន្លេ ដើម្បី​ងាយស្រួល​ជាន់លាងប្រហុក។

ក្រោយលាង​សម្អាតរួច គេស្រង់​ត្រីទាំងនោះ​ដាក់​ក្នុង​កញ្ច្រែង​ឫស្សី​ដែល​មាន​ក្រឡា​តូច​ល្មម ដើម្បី​ឲ្យ​ត្រី​ស្រស់​ទឹក។ ពេល​ត្រី​សួត​ទឹក​ហើយ គេ​យក​ត្រីទៅ​ប្រឡាក់​អំបិល។
131373504_467319828007557_6477154218356789038_o

ការប្រឡាក់អំបិល​មិនមែន​ធ្វើតែម្តង​ស្រេច​នោះទេ ពោល​គឺត្រូវប្រឡាក់៣ដង។ ប្រឡាក់​លើកទី១​រួច​គេផ្អាប់​ទុកមួយ​យប់ ដើម្បី​ឲ្យរឹងសាច់ត្រី។ ស្អែក​ឡើង គេ​យក​ត្រីប្រឡាក់​នោះទៅហាលថ្ងៃ​រយៈពេល​ពីរ​ម៉ោង​ឲ្យ​ស្រពាប់។ បន្ទាប់​មក គេ យក វាមកប្រឡាក់អំបិលឲ្យសព្វសាច់​ជាលើកទី២ រួច​យក​ទៅផ្អាប់​ទុករយៈ ពេល៤-៥ថ្ងៃ ទើប​គេរើយក​មកប្រឡាក់​អំបិល​លើកទី៣ ហើយ​ញាត់វា​ទៅក្នុង​ពាង​ឬក្រឡ ដោយ​យកអង្រៃមក​បុកបង្ហាប់​ឲ្យណែន។

ដើម្បី​ឲ្យ​ប្រហុក​កាន់តែ​ហាប់ ណែន​ល្អ​កុំឲ្យ​ផុរ គេត្រូវយក​បន្ទះឫស្សី​មកខ្ចាស់​ពីលើ រួច​ដាំទឹក​អំបិល​ចាក់​ពីលើ​ជាការស្រេច។ ជាទូទៅ គេត្រូវ​ផ្អាប់​ទុក​រយៈពេល ៥-៦ ខែ ទើប​ប្រហុក​នោះ​ងំ​ល្អ​ហើយ​មាន​ក្លិន​ឈ្ងុយ។

ចំពោះអ្នកធ្វើលក់ គឺគេធ្លាប់តែ១-២ខែប៉ុណ្ណោះ តែ​ប្រហុកនោះ​មិន​ងំ មិន​ឈ្ងុយ ហើយ​ពេល​ស្ល​គឺ​នៅ​ធំ​ក្លិន​ឆ្អាបត្រី។ នៅពេលដែល​យើង​លូកប្រហុក​យកមក​បរិភោគ យើង​ត្រូវ​សង្កត់​វា​ឲ្យ​ណែន! វិញ ហើយ​រោយ​អំបិល​បន្ថែម​ពីលើ​ទៀត​កុំឲ្យ​វា​ធំ​ខ្យល់ និង​ខុល។ ជាធម្មតាប្រហុក ដែលធ្វើត្រឹមត្រូវល្អ អាច​រក្សា​ទុក​រហូត​ដល់​ទៅ ៤ ឬ៥ឆ្នាំ៕