Alynana Media Cambodia
Icon Collap
LeftSide2
Right2RightSideBar
Borey Vimean Samnang បុរី វិមានសំណាង
TopContent CheckinMe
TopContent KW SAM SN

អូស្ត្រាលីជួយលើកកម្ពស់ផលិតកម្មដំណាំដំឡូងមីនៅកម្ពុជា

Admin Alynana | May 12, 2022
អូស្ត្រាលីជួយលើកកម្ពស់ផលិតកម្មដំណាំដំឡូងមីនៅកម្ពុជា
TopContent KW SAM SN Middle

កម្ពុជា៖ រដ្ឋាភិបាលអូស្រ្តាលី កម្មវិធី CAVAC” បានរៀបចំផ្ទះសំណាញ់សម្រាប់ពង្រីកពូជដំឡូងមីឆាប់រហ័ស និងគ្មានជំងឺដើម្បីជួយបង្កើនផលិតកម្មដំឡូងមីឱ្យបានកាន់តែខ្ពស់សំដៅលើកស្ទួយដល់ជីវភាពកសិករកាន់តែប្រសើរ។

គម្រោងផ្ទះសំណាញ់នេះត្រូវបានគាំទ្រដោយមូលនិធិរដ្ឋាភិបាលអូស្ត្រាលី តាមរយៈកម្មវិធីខ្សែច្រវាក់តម្លៃកសិកម្មកម្ពុជា-អូស្ត្រាលី CAVACអនុវត្តដោយក្រុមហ៊ុន ខាតណ្ហ អ៊ីមើជីង ម៉ាឃីត និងគាំទ្របច្ចេកទេសដោយមជ្ឈមណ្ឌលអន្តរជាតិសម្រាប់កសិកម្មតំបន់ត្រូពិច(CIAT)។
280601301_4944866145568246_4353286205075432183_n

ថ្លែងក្នុងពិធីប្រគល់ផ្ទះសំណាញ់សម្រាប់ពង្រីកពូជដំឡូងមីឆាប់រហ័ស និងគ្មានជំងឺកាលពីរសៀលថ្ងៃទី១១ ខែឧសភា នៅខេត្តស្ទឹងត្រែង លោកស្រី Amber Cernobs លេខាទី១ ស្ថានទូតអូស្រ្តាលីប្រចាំព្រះរាជាណាចក្រកម្ពុជា បានមានប្រសាសន៍ថា គម្រោងផ្ទះសំណាញ់សម្រាប់ពង្រីកពូជដំឡូងមីឆាប់រហ័ស និងគ្មានជំងឺ ដែលរដ្ឋាភិបាលអូស្រ្តាលី

តាម​រយ:កម្មវិធី CAVAC ជួយឧបត្ថម្ភដល់រាជរដ្ឋាភិបាលកម្ពុជានាពេលនេះ ពិតជាមានសារៈសំខាន់ណាស់សម្រាប់ប្រជាកសិករ។ ព្រោះថា ផលិតកម្មដំឡូងមីមានឥទ្ធិផលជាវិជ្ជមានលើសេដ្ឋកិច្ចគ្រួសារ ចូលរួមកាត់បន្ថយភាពក្រីក្រ ។
280523922_4944866118901582_3316916835800566782_n

លោកស្រីបានបន្តថា កន្លងមកមិនមែនតែកម្ពុជាទេ សូម្បីប្រទេសក្នុងតំបន់មួយចំនួនក៏បាននឹងកំពុងរងផលប៉ះពាល់ដោយសារជំងឺម៉ូសាអ៊ិចនេះយ៉ាងធ្ងន់ធ្ងរ ធ្វើឲ្យទិន្នផលដំឡូងមីរបស់បងប្អូនប្រជាកសិករធ្លាក់ចុះយ៉ាងគំហុក ហើយ​បានប៉ះពាល់ជាអវិជ្ជមានដល់សេដ្ឋកិច្ចគ្រួសារ។ លោកស្រីសង្ឃឹមថា គម្រោងនេះនឹងជួយដោះស្រាយបញ្ហាចំពោះមុខជូនប្រជាកសិករ គឺផលិតពូជសុទ្ធល្អ គ្មានជំងឺឆ្កង ផ្តល់ទិន្នផលខ្ពស់ និងធានាបានគុណភាព។

 

លោក ស្វាយ សំអ៊ាង អភិបាលនៃគណ:អភិបាលខេត្តស្ទឹងត្រែង បានគាំទ្រនិងចាត់ទុកគម្រោងនេះមានសារៈ

ប្រយោជន៍ដើម្បីកំណើនផលិតកម្មដំឡូងមី ផលិតភាពកំណើនសេដ្ឋកិច្ចគ្រួសារតាមរយ:ការប្រើប្រាស់ពូជដំឡូងមីគ្មានជំងឺ។
280384260_4944866365568224_219825753693250940_n

លោកអភិបាលខេត្តណែនាំឲ្យប្រធានមន្ទីរកសិកម្មខេត្ត និងមន្រ្តីជំនាញខិតខំបន្ថែមទៀត ធ្វើការពង្រីកពូជដំឡូងមីគ្មានជំងឺនេះឲ្យបានគ្រប់គ្រាន់ឆ្លើយតបតាមតម្រូវការទីផ្សារនាពេលបច្ចុប្បន្ន។ លោកអភិបាលខេត្តសង្ឃឹមថាលទ្ធផលដែលទទួលបានពីគម្រោងនេះនឹងជួយឲ្យផលិតកម្មដំឡូងមីនៅទូទាំងខេត្តស្ទឹងត្រែងមានកំណើនធានាបានពូជដំឡូងមីមានសុខភាពល្អ ទិន្នផលខ្ពស់ និងគុណភាពល្អ។ 
280493620_4944865755568285_2803490759212859372_n

លោក វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទបានវាយតម្លៃលើលទ្ធផលសិក្សាស្រាវជ្រាវ សាកពិសោធន៍ ដើម្បីបន្សុត ពូជដំឡូងមីគ្មានជំងឺ និងផ្តល់ទិន្នផលខ្ពស់ដែលកម្មវិធី CAVAC (ដំណាក់កាលទី២) សហការអនុវត្តជាមួយមន្ទីរកសិកម្មរុក្ខាប្រមាញ់ និងនេសាទខេត្ត ហើយបាននិងកំពុងហុចផលជាផ្លែផ្កាគួរឲ្យកត់សម្គាល់។ លោករដ្ឋមន្ត្រីសង្ឃឹមថា លទ្ធផលនេះនឹងជួយពង្រីកពូជសុទ្ធ គ្មានជំងឺទទួលបានទិន្នផលខ្ពស់ ដើម្បីផ្សព្វផ្សាយជូនប្រជាកសិករនៅទូទាំងខេត្តស្ទឹងត្រែង និងជាបន្ត បន្ទាប់យកទៅចែកជូនខេត្តនៅក្នុងតំបន់នេះទាំងមូលធ្វើការដាំដុះឲ្យទាន់រដូវ។
280135940_4944864548901739_4412787496541549923_n

លោករដ្ឋមន្ត្រីបានស្នើសុំឱ្យមន្រ្តីជំនាញយកចិត្តទុកដាក់បង្កើនចំណេះដឹងបច្ចេកទេសទាក់ទងការបង្កាត់ ជ្រើសរើស

បន្សុតពូជដំណាំដំឡូងមីនេះនៅតាមចំការ និង ក្រុមហ៊ុនផ្ទាល់ដើម្បីធ្វើការផ្សព្វផ្សាយពូជ និងបច្ចេកទេឲឲសជូនកសិករនៅទូទាំងតំបន់នេះទទួលបានប្រសិទ្ធភាពផលិតកម្ម និងសេដ្ឋកិច្ចខ្ពស់៕
279879996_4944864682235059_9654244623677660_n280317299_4944865988901595_374321820712907150_n