Alynana Media Cambodia
Icon Collap
RK Clinic
clinic narit

ក្រសួងពាណិជ្ជកម្ម ពន្យាពេលផាកពិន័យ ដល់អាជីវកម្មអនឡាញបន្ថែមមួយរយៈពេលទៀត

Admin Alynana | Jul 01, 2022
ក្រសួងពាណិជ្ជកម្ម ពន្យាពេលផាកពិន័យ ដល់អាជីវកម្មអនឡាញបន្ថែមមួយរយៈពេលទៀត
Clinic narith

(ភ្នំពេញ)៖ យោងតាមសេចក្តីជូនដំណឹង ស្ដីពី ការពន្យារពេលការផាកពិន័យចំពោះការដាក់ពាក្យស្នើសុំលិខិតអនុញ្ញាត ឬអាជ្ញាបណ្ណពាណិជ្ជកម្មតាមប្រព័ន្ធអេឡិចត្រូនិក ដែលក្រសួងពាណិជ្ជកម្ម ពន្យាលពេលផាកពិន័យ ដល់អាជីវកម្មអនឡាញ ដល់ថ្ងៃទី ៣ កក្កដា ឆ្នាំ២០២២ ដែលដំបូងនឹងផុតកំណត់នៅថ្ងៃទី១ កក្កដានេះ។ 

ប្រភពដដែលបញ្ជាក់ថា រូបវន្តបុគ្គល សហគ្រាសឯកបុគ្គល ឬក្រុមហ៊ុនអាចមកទទួលលេខរៀង ដើម្បីដាក់ពាក្យស្នើសុំនៅនាយកដ្ឋានចុះបញ្ជីពាណិជ្ជកម្ម នៃអគ្គនាយកដ្ឋានសេវាពាណិជ្ជកម្ម ឬនៅមន្ទីរពាណិជ្ជកម្មខេត្តដែលរូបវន្តបុគ្គល សហគ្រាសឯកបុគ្គល ឬក្រុមហ៊ុនតាំងនៅ រៀងរាល់ម៉ោងធ្វើការ ចាប់ពីថ្ងៃជូនដំណឹងនេះតទៅ។ 

ក្រសួងពាណិជ្ជកម្ម បញ្ជាក់ថា ចំពោះអាជីវកម្មដែលធ្វើប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក ដោយមិនមានការអនុញ្ញាតពីក្រសួងពាណិជ្ជកម្ម អាជីវកម្មនោះនឹងត្រូវទទួលការផាកពិន័យជាប្រាក់ និងអាចមានការផ្តន្ទាទោសដូចមានចែងក្នុងច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិក៕