សម្រាប់មនុស្សមួយចំនួនយល់ថា ការបង់រំលស់ផ្ទះវាគឺជារឿងល្អ ព្រោះថាវាធ្វើឱ្យលោកអ្នកមានផ្ទះមួយជារបស់ខ្លួនឯង ដោយមានឈ្មោះ ខ្លួនឯងនៅលើប្លង់រឹង មួយវិញទៀតធ្វើឱ្យជីវិតលោកអ្នកកាន់តែមាន លំនឹងនៅពេលដែលមានផ្ទះផ្ទាល់ខ្លួន។ ប៉ុន្តែទន្ទឹមនឹងការបង់រំលស់ផ្ទះ មិនមែនឱ្យតែលោកអ្នកគិតថាមានលុយគ្រប់គ្រាន់គឺទៅបង់នោះទេ ដូច្នេះមុនសម្រេចចិត្តបង់រំលស់ផ្ទះលោកអ្នក គួរតែឆ្លើយសំណួរទាំងនេះឱ្យចេញសិនមុនសម្រេចចិត្តបង់ ។
១. សួរខ្លួនឯងថាតើការងារឬរបរកស៊ីរបស់លោកអ្នកច្បាស់លាស់ឬនៅ?
មែនទែនទៅលោកអ្នកត្រូវដឹងថាការបង់រំលស់ផ្ទះគឺត្រូវការរយៈពេលយូរ តិចបំផុតក៏ត្រូវប្រើរយៈពេល ១០ ទៅ ១៥ឆ្នាំដែរ។ ដូច្នេះមុននឹងសម្រេចចិត្តទៅបង់រំលស់ផ្ទះលោកអ្នកត្រូវប្រាកដថាបច្ចុប្បន្នលោកអ្នកមានការងារមួយឬក៏របរស៊ីមួយដែលអាចរកបានយូរអង្វែងឬអាចនិយាយបានថាចំណូលនឹងនរ។ ប្រសិនបើលោកអ្នកមិនមានការងារឬប្រាក់ចំណូលនឹងនរទេនោះនឹងធ្វើឱ្យលទ្ធភាពនៃការបង់រំលស់ផ្ទះរបស់លោកអ្នកគឺមិនរលូននោះទេ។
២. បន្ទាប់មានរបរកស៊ីតើលោកអ្នកមានចំណូលច្បាស់លាស់ឬនៅ?
បន្ទាប់ពីលោកអ្នកមានរបរកស៊ីក៏ដូចជាការងារដែលនឹងនរចំណុចត្រូវសិក្សាពីចំណូលគឺជារឿងសំខាន់បំផុត។ ប្រសិនបើលោកអ្នកបង់រំលស់ជាមួយធនាគារគឺគេមានអ្នកប្រឹក្សាដូច្នេះគេតាមដានច្បាស់លាស់ណាស់ទាក់ទងទៅនឹងចំណូលរបស់លោកអ្នក ក៏ប៉ុន្តែប្រសិនបើលោកអ្នកបង់រំលស់ជាមួយនិងបុរីផ្ទាល់ភាគច្រើនគឺគេមិនសូវខ្វល់នោះទេ។ អ៊ីចឹងលោកអ្នកត្រូវគុណគូរដោយខ្លួនថា តើចំណូលរបស់លោកអ្នកសមមាត្រ នឹងការបង់របស់លោកអ្នកដែរឬទេ។ មួយវិញទៀតលោកអ្នកមានថរិកាទំនុកបម្រុងក្នុងគ្រួសារដែរឬទេ?
៣.តើលោកអ្នកកំពុងតែស្ពាយបំណុលជាប់ខ្លួនឬអត់?
ទាក់ទងនឹងបញ្ហានេះ លោកអ្នកត្រូវតែច្បាស់ខ្លួនឯង ថាតើលោកអ្នកមានបំណុលជាប់ខ្លួនដែលឬអត់ហើយបំណុលនោះច្រើនឬក៏តិច ប្រសិនបើបំណុលច្រើនលោកអ្នកត្រូវគិតឱ្យច្បាស់ម្ដងហើយម្ដងទៀតមុននឹងសម្រេចចិត្តបង់រំលស់។ តាមពិតទៅការជំពាក់បំណុលមិនសុទ្ធតែអាក្រក់នទេ ក៏ប៉ុន្តែលោកអ្នកត្រូវតែច្បាស់ខ្លួនឯងថាលោកអ្នកបែងចែកថរិការបៀបម៉េចប្រសិនបើលោកអ្នកជំពាក់គេផងហើយឆ្លៀតទៅបង់រំលស់ផ្ទះមួយតង់ទៀត វាអាចជារឿងលំបាក។
៤.ផែនការទិញផ្ទះនិងផែនការអនាគត
ចំណុចចុងក្រោយនេះគឺជារឿងសំខាន់មែនទែ ប៉ុន្តែមនុស្សភាគច្រើនតែងមើលរំលង មែនទែទៅការទិញផ្ទះបង់រំលស់មិនលោកអ្នកគ្រាប់តែបង់ប្រចាំខែគឺរួចខ្លួននោះទេ ព្រោះថានៅពេលដែលលោកអ្នកទិញផ្ទះទៅគឺត្រូវការចំណាយជាបន្តបន្ទាប់ជាច្រើនទៀត ទាក់ទងនឹងការជួសជុលផ្ទះ ហើយចំណាយលើទឹកភ្លើងជាដើម។ ទាំងអស់លោកអ្នកគិតថាវាគ្រាន់តែជាចំណុចតូចៗតែប៉ុណ្ណោះ តែនៅពេលចំណាយជាក់ស្ដែងគឺវាច្រើនខ្លាំង។ ចំពោះផែនការអនាគតវិញ លោកអ្នកត្រូវដឹងថាលោកអ្នកមែនមានបន្ទុកតែរឿងបង់រំលស់ផ្ទះមួយមុខនោះទេ លោកអ្នកត្រូវតែមានកញ្ចប់មួយសម្រាប់សន្សំទុកនៅពេលមានហានិភ័យផ្សេងៗដែលលោកអ្នកមើលមិនឃើញ។ សរុបជារួមទាក់ទងនឹងកញ្ចប់ថរិកាបម្រុងទុកគឺជារឿងសំខាន់ព្រោះថានៅពេលដែលលោកអ្នកមាន បញ្ហាអ្វីមួយដែលមើលមិនឃើញ លោកអ្នកត្រូវចំណាយទៅលើរឿងនោះ ដូច្នេះនឹងធ្វើឱ្យមានការរាំងស្ទះក្នុងការបង់រំលស់ផ្ទះរបស់លោកអ្នក៕
