![ការនាំចូលប្រេងរបស់ចិន ពីប្រទេសរុស្ស៊ីបានកើនឡើង ២២ភាគរយធៀប នឹងឆ្នាំមុន](https://www.alynana.com/storage/edit-for-web-191.jpg)
(អន្តរជាតិ)៖ ការនាំចូលប្រេងរបស់ចិន ពីប្រទេសរុស្ស៊ីបានកើនឡើង ២២ភាគរយនៅក្នុងខែកញ្ញា ធៀប នឹងឆ្នាំមុន ដែលតាមពីក្រោយអ្នកផ្គត់ផ្គង់កំពូលអារ៉ាប៊ីសាអូឌីត ខណៈដែលក្រុមហ៊ុនចម្រាញ់ឯករាជ្យ បានទិញប្រេងឥន្ធនៈរុស្ស៊ីក្នុងតម្លៃទាបបន្ថែមទៀត ប្រឈមមុខនឹងកម្រិតនៃការចម្រាញ់ក្នុងស្រុក ដែលខ្សោយ។
ទិន្នន័យពីរដ្ឋបាលគយចិនបានបង្ហាញថា ការផ្គត់ផ្គង់ពីប្រទេសរុស្ស៊ី រួមទាំងប្រេងដែលបូមតាមបំពង់ បង្ហូរប្រេងនៅមហាសមុទ្រស៊ីបេរីប៉ាស៊ីហ្វិក និងការដឹកជញ្ជូនតាមសមុទ្រពីកំពង់ផែអឺរ៉ុប និងចុងបូព៌ា របស់រុស្ស៊ីមានចំនួនសរុប ៧.៤៦ លានតោន ។
បរិមាណនេះស្មើនឹង ១.៨២ លានបារ៉ែលក្នុងមួយថ្ងៃ ដែលបានថយចុះពី ១.៩៦ លានបារ៉ែលក្នុងមួយថ្ងៃ ក្នុងខែសីហា ហើយបើប្រៀបធៀបទៅនឹងកម្រិតខ្ពស់បំផុតជិត ២លានបារ៉ែលក្នុងខែឧសភា។
ការនាំចូលពីអ្នកផ្គត់ផ្គង់កំពូលអារ៉ាប៊ីសាអូឌីតបានឈានដល់៧.៥៣ លានតោន ឬ ១.៨៣លានបារ៉ែល ក្នុងមួយថ្ងៃ ធៀបនឹងខែសីហា ១.៩៩ លានបារ៉ែលក្នុងមួយថ្ងៃ និងទាបជាង ៥.៤ ភាគរយកាលពីឆ្នាំមុន។
ក្នុងរយៈពេលប្រាំបួនខែដំបូង អារ៉ាប៊ីសាអូឌីតបានកាន់កាប់តំណែងកំពូលជាមួយនឹងបរិមាណ ៦៥.៨៤ លានតោន ធ្លាក់ចុះ១ភាគរយកាលពីឆ្នាំមុន។ បរិមាណរបស់រុស្ស៊ីបានកើនឡើងជិត ៩ភាគរយដល់ ៦៤.២៦លានតោន៕