សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានមានប្រសាសន៍កាលពីថ្ងៃពុធថា ប្រទេសចិនគឺជាអ្នកផ្គត់ផ្គង់វត្ថុធាតុដើមដ៏ធំបំផុតដល់ឧស្សាហកម្មកាត់ដេររបស់ព្រះរាជាណាចក្រកម្ពុជា។
ក្នុងពិធីចែកសញ្ញាបត្រដល់និស្សិតប្រមាណ ៤.៧០០ នាក់នៅវិទ្យាស្ថានវ៉ាន់ដា ក្នុងរាជធានីភ្នំពេញកាលពីព្រឹកមិញនេះ សម្តេចតេជោ បានបញ្ជាក់បន្ថែមទៀតថា «សម្រាប់យើង ជាប្រទេសផលិតសម្លៀកបំពាក់ យើងនាំចូលក្រណាត់ជាង ៨០ ភាគរយពីប្រទេសចិន»។ជាងនេះទៀត កម្ពុជាទទួលបានវត្ថុធាតុដើមពីប្រទេសចិនដើម្បីផលិតសម្លៀកបំពាក់ក្នុងប្រទេសរបស់យើង ហើយយើងនាំចេញផលិតផលសម្រេចទៅប្រទេសផ្សេងទៀត»។
សម្តេច ហ៊ុន សែន ក៏បានកោតសរសើរប្រទេសចិន ដែលបានផ្គត់ផ្គង់វត្ថុធាតុដើមមកកម្ពុជាទាន់ពេលវេលា សូម្បីតែក្នុងសម័យជំងឺរាតត្បាតកូវីដ-១៩ ដោយសារទំនាក់ទំនងជិតស្និទ្ធរវាងប្រទេសទាំងពីរ។
វិស័យកាត់ដេរ គឺជាវិស័យនាំមុខ ដែលជាប្រភពប្រាក់ចំណូលច្រើនជាងគេ សម្រាប់ប្រទេសកម្ពុជា ដែលបង្កើតការងាររាប់សែនកន្លែងសម្រាប់ប្រជាជនកម្ពុជា។
យោងតាមរបាយការណ៍ពីអគ្គនាយកដ្ឋានគយ និងរដ្ឋាករបានឱ្យដឹងថា ប្រទេសអាស៊ីអាគ្នេយ៍បាននាំចេញផលិតផលកាត់ដេរមានតម្លៃ 9.03 ពាន់លានដុល្លារអាមេរិកក្នុងឆ្នាំ 2022 ស្មើនឹង 40.1 ភាគរយនៃការនាំចេញសរុបរបស់ព្រះរាជាណាចក្រ 22.48 ពាន់លានដុល្លារ។
