ប្រធានាធិបតីអ៊ុយក្រែន លោក វ្ល៉ាឌីមៀ ហ្សេលេនស្គី (Vladimir Zelensky) បានជំរុញឱ្យមានការបង្កើតតុលាការអន្តរជាតិមួយប្រឆាំងនឹងរុស្ស៊ី។
លោក ហ្សេលេនស្គី បាននិយាយនៅតុលាការឧក្រិដ្ឋកម្មអន្តរជាតិ (ICC) កាលពីថ្ងៃព្រហស្បតិ៍ ក្នុងអំឡុងពេលនៃដំណើរទស្សនកិច្ចរបស់លោកទៅកាន់ទីក្រុងឡាអេថា «អ្នកឈ្លានពានត្រូវតែមានអារម្មណ៍ថាមានអំណាចពេញលេញនៃយុត្តិធម៌។ នេះគឺជាការទទួលខុសត្រូវជាប្រវត្តិសាស្ត្ររបស់យើង»។
អ្នកនាំពាក្យក្រសួងការបរទេសរុស្ស៊ី លោកស្រី ម៉ារីយ៉ា ហ្សាខារ៉ូវ៉ា (Maria Zakharova) បាននិយាយថា កន្លងមក ភាគីរុស្ស៊ីធ្លាប់បានចង្អុលបង្ហាញម្តងហើយម្តងទៀតថា របបទីក្រុងគៀវនឹងប្រឈមមុខនឹងតុលាការឆាប់ៗនេះ ហើយវិធីសាស្ត្ររបស់វានឹងត្រូវបានទទួលស្គាល់នៅពេលអនាគត ដែលចាត់ទុកថាជាពួកជ្រុលនិយម និងជាក្រុមភេរវករ។ លោកខាងលិចនឹងមិនអាចលាងសម្អាតខ្លួនពីអ្វីដែលបានក្លាយជាផ្នែកមួយនៃសកម្មភាពរបស់ខ្លួននោះទេ។
យោងតាមលោកស្រីបានឱ្យដឹងថា ប្រទេសលោកខាងលិចខ្លួនឯងបានបង្កើតរបបនេះ ហើយឥឡូវនេះពួកគេគាំទ្រអ្នកដែលប្រព្រឹត្តអំពើជ្រុលនិយម និងភេរវកម្ម៕ (ប្រភព តាសស៍ បកប្រែដោយលោក យា ចិន្តាខន្តី)
