សម្តេចតេជោ ហ៊ុន សែន៖ កម្ពុជាបានបន្តផ្តល់វ៉ាក់សាំង ១លានដូស ទៅឲ្យមីយ៉ាន់ម៉ា

ភ្នំពេញ៖ នៅព្រឹកថ្ងៃទី២៦ ខែឧសភា ឆ្នាំ២០២៣នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានឲ្យដឹងថា ថ្ងៃនេះកម្ពុជាបាននាំយកវ៉ាក់សាំងកូវីដ១៩ ចំនួន ១លានដូស រួមជាមួយនឹងបរិក្ខារពេទ្យមួយចំនួនទៅជូនប្រទេសមីយ៉ាន់ម៉ា ខណៈដែលប្រទេសមីយ៉ាន់ម៉ានៅមានអ្នកឆ្លងហើយខ្វះខាតវ៉ាក់សាំង ។

សម្តេចតេជោបានបន្ត ថាយើងនៅសល់វ៉ាក់សាំង ដូច្នេះយើងត្រូវជូនទៅដល់មិត្តភ័ក្តិដែលមានតម្រូវការ ហើយពេលនេះលោកស្រី យស់ សម្បត្តិ ក៏កំពុងហោះហើរទៅកាន់ប្រទេសមីយ៉ាន់ម៉ា ។

សម្តេច បានថ្លែងបែបនេះក្នុងឱកាសអញ្ជើញជួបសំណេះសំណាលជាមួយបងប្អូនកម្មករនិយោជិតនៅទីតាំងរោងចក្រ ម៉ាវ៉ល ហ្គាមិន (Marvel Garment) ក្នុងតំបន់សេដ្ឋកិច្ចពិសេស រ៉ូយ៉ាល់គ្រូបភ្នំពេញ (ROYAL GROUP PHNOM PENH SEZ) សរុបចំនួន ១៩ ០០០ នាក់ មកពីរោងចក្រ ម៉ាវ៉ល ហ្គាមិន (Marvel Cament) ៕