![ចិននាំចូលទុរេនវៀតណាមច្រើនជាងទុរេននាំចូលពីថៃលើសដល់ទៅ ៣ដងឯណោះ](https://www.alynana.com/storage/7-doanthethaovn-rker26-8-5-40-190.jpg)
អ្នកនាំចូលផ្លែឈើម្នាក់ឈ្មោះ Bob Wang បានប្រាប់សារព័ត៌មាន SCMP ថា លោកបានចុះកុងត្រាជាមួយម្ចាស់ចំការទុរេនវៀតណាម ៣ ០០០ ហិកតា និងអាចនាំចូលមកលើទីផ្សារចិនបានប្រមាណ ៣ ០០០ កុងទ័រនឺ ឬ ៦០ ០០០ តោនក្នុងឆ្នាំនេះ ខណៈចំនួនមួយនេះ គឺច្រើនជាងកាលដែលលោកនាំទុរេនពីថៃ ដល់ទៅ ៣ដងឯណោះ។
បុរសម្នាក់នោះក៏បានបន្ថែមទៀតថា កាលពីឆ្នាំទៅ ចិនបាននាំចូលទុរេនច្រើនជាង ៨២០ ០០០តោន ហើយលោកមានជំនឿចិត្តថា ឆ្នាំនេះទំហំការនាំចូលនឹងអាចកើនលើស ៩០០ ០០០តោនយ៉ាងងាយ។
![](https://www.oknha.news/wp-content/uploads/2023/05/th2-1.jpg)
គួររំលឹកដែរថា ផ្លែទុរេនកំពុងពេញនិយមខ្លាំងនៅទីផ្សារស្រុកចិន ហើយទោះបីជាមានការត្រួតពិនិត្យការនាំចូលតឹងរ៉ឹងខ្លាំង ក្នុងអំឡុងពេលជំងឺរាតត្បាតក៏ដោយ ក៏ប្រទេសចិនបាននាំចូលទុរេនច្រើនជាងបួនដងក្នុងឆ្នាំ ២០២២ បើធៀបនឹងឆ្នាំ ២០១៧ ដែលនាំឱ្យតម្លៃសរុបកើនឡើងដល់ជាង ៤ពាន់លានដុល្លារ។
ក្នុងនោះ ថៃជាអ្នកនាំចេញទុរេនធំបំផុតសម្រាប់ទីផ្សារស្រុកចិន ប៉ុន្តែតំណែងមួយនេះអាចរង្គោះរង្គើ ក្រោយវៀតណាម និងប្រទេសនៅអាស៊ានផ្សេងទៀតដូចជា ម៉ាឡេស៊ី និងហ្វីលីពីន ក៏កំពុងសម្លឹងរកឱកាសពង្រីកទីផ្សារទុរេនរបស់ពួកគេ ទៅកាន់ប្រទេសចិនដូចគ្នា៕