អាស៊ាន សម្រេចធ្វើសមយុទ្ធយោធារួមគ្នាជាលើកដំបូងក្នុងប្រវត្តិសាស្ត្រ

យោងតាមការចុះផ្សាយពី VNExpress បានបង្ហាញថា សេចក្ដីសម្រេចមួយនេះ ធ្វើឡើងអំឡុង​កិច្ចប្រជុំមេបញ្ជាការយោធា នៃប្រទេសជាសមាជិកអាស៊ាន ១០ ប្រទេស នៅឥណ្ឌូណេស៊ី។

ដោយឡែក មេបញ្ជាការយោធាឥណ្ឌូណេស៊ី ឧត្តមនាវី Yudo Margono បាន​ប្រាប់សារព័ត៌មាន Antara ថា សមយុទ្ធយោធាមួយនេះ​នឹងធ្វើឡើងនៅខែកញ្ញា និងមិនរួមបញ្ចូលការបណ្តុះបណ្តាលប្រតិបត្តិការប្រយុទ្ធណាមួយឡើយ ពោលគឺ​គ្រាន់តែកំពុងពង្រឹង “ភាពជាកណ្តាលរបស់អាស៊ាន” ប៉ុណ្ណោះ។

សូមជម្រាបដែរថា អ្នកនាំពាក្យយោធាឥណ្ឌូណេស៊ី Julius Widjojono បាននិយាយថា សមយុទ្ធនេះគឺទាក់ទងទៅនឹង “ហានិភ័យខ្ពស់នៃគ្រោះមហន្តរាយនៅអាស៊ី ជាពិសេសអាស៊ីអាគ្នេយ៍”៕