REUTERS 10.06.2023
សេតវិមាននិយាយថា រុស្ស៊ី និងអ៊ីរ៉ង់កាន់តែខ្លាំងភ្លើងក្នុងការសហការផ្គត់ផ្គង់អាវុធ យន្តហោះគ្មានមនុស្សបើកឲ្យគ្នា ដើម្បីវាយប្រហារប្រទេសអ៊ុយក្រែន។ នេះបើយោងតាមអ្នកនាំពាក្យសេតវិមាន លោក John Kirby បាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រទី ៩ ខែមិថុនា ឆ្នាំ២០២៣។
លោកថា “រុស្ស៊ីបាននឹងកំពុងប្រើប្រាស់យន្តហោះគ្មានមនុស្សបើក ឬ UAVs របស់អ៊ីរ៉ង់ក្នុងប៉ុន្មានសប្តាហ៍ថ្មីៗនេះ ដើម្បីវាយប្រហារទីក្រុង Kyiv និងធ្វើភេរវកម្មដល់ប្រជាជនអ៊ុយក្រែន ហើយភាពជាដៃគូយោធារុស្ស៊ី-អ៊ីរ៉ង់ ហាក់ដូចជាកាន់តែស៊ីជម្រៅ”។ “យើង ក៏ មាន ការ ព្រួយ បារម្ភ ដែរ ថា រុស្ស៊ី កំពុង ធ្វើ ការ ជាមួយ អ៊ីរ៉ង់ ក្នុង ការ ផលិត UAV របស់ អ៊ីរ៉ង់ ពី ខាង ក្នុង រុស្ស៊ី”។
បន្ថែមពីនេះ រុស្ស៊ីក៏កំពុងទទួលបានសម្ភារៈពីប្រទេសអ៊ីរ៉ង់ ដែលតម្រូវឱ្យសាងសង់រោងចក្រផលិតយន្តហោះគ្មានមនុស្សបើក ដែលអាចដំណើរការពេញលេញនៅដើមឆ្នាំក្រោយ។ “យើងកំពុងបញ្ចេញរូបភាពផ្កាយរណបនៃទីតាំង ដែលបានគ្រោងទុកនៃរោងចក្រផលិតយន្តហោះគ្មានមនុស្សបើក UAV នេះនៅក្នុងតំបន់សេដ្ឋកិច្ចពិសេស Alabuga របស់ប្រទេសរុស្ស៊ី”។
លោកបាននិយាយថា “រុស្ស៊ីបានផ្តល់កិច្ចសហប្រតិបត្តិការលើវិស័យការពារជាតិដែលមិនធ្លាប់មានពីមុនមកដល់អ៊ីរ៉ង់ រួមទាំងលើវិស័យមីស៊ីល អេឡិចត្រូនិក និងការការពារដែនអាកាស”។
“នេះគឺជាភាពជាដៃគូការពារជាតិពេញលេញ ដែលបង្កគ្រោះថ្នាក់ដល់អ៊ុយក្រែន ដល់អ្នកជិតខាងរបស់អ៊ីរ៉ង់ និងសហគមន៍អន្តរជាតិ។ យើងកំពុងបន្តប្រើប្រាស់ឧបករណ៍ទាំងអស់នៅក្នុងការចាត់ចែងរបស់យើង ដើម្បីបង្ហាញ និងរំខានដល់សកម្មភាពទាំងនេះ រួមទាំងតាមរយៈការចែករំលែកនេះជាមួយសាធារណៈជន។ ហើយ យើង បាន ត្រៀម ខ្លួន ធ្វើ បន្ថែម ទៀត”។
ទោះជាយ៉ាងណាក៏ដោយ អ៊ីរ៉ង់ និងរុស្ស៊ីបានបដិសេធនឹងការចោទប្រកាន់នេះ៕
ប្រភព៖REUTERS
