ការិយាល័យរបស់នាយរដ្ឋមន្ត្រីអង់គ្លេស បាននិយាយក្នុងសេចក្តីថ្លែងរបស់ខ្លួនកាលពីថ្ងៃសៅរ៍ថា រដ្ឋាភិបាលអង់គ្លេស នឹងលៃលកថវិកាចំនួន ២៥ ផោន (ប្រហែល ៣២ លានដុល្លារ) ក្នុងរយៈពេល ២ ឆ្នាំក្រោយ ដើម្បីពង្រឹងសន្តិសុខតាមអ៊ីនធឺណិតនៅប្រទេសអ៊ុយក្រែន។
យោងតាមសេចក្តីថ្លែងការណ៍នោះ ការផ្តល់មូលនិធិនេះ នឹងធ្វើឱ្យវាអាចការពារហេដ្ឋារចនាសម្ព័ន្ធ និង សេវាកម្មសំខាន់ៗរបស់អ៊ុយក្រែន តាមរយៈការពង្រឹងសមត្ថភាពសន្តិសុខតាមអ៊ីនធឺណិតរបស់អ៊ុយក្រែន ដែលនឹងធ្វើឱ្យវាអាចរកឃើញការគំរាមកំហែងតាមអ៊ីនធឺណិតដ៏មានសក្តានុពលពីប្រទេសរុស្ស៊ី និង ឆ្លើយតបទៅនឹងពួកគេ។
កម្មវិធីអ៊ីនធឺណិតអ៊ុយក្រែន (UCP) ជាគម្រោងរបស់ចក្រភពអង់គ្លេស ដែលត្រូវបានប្រកាសដោយចក្រភពអង់គ្លេស ដែលពីដំបូងបាន លៃលកថវិកា ប្រហែល ៨,១៤ លានដុល្លារកាលពីឆ្នាំមុន។ ដំណាក់កាលទី២ នៃការផ្តល់មូលនិធិមានន័យថា ចក្រភពអង់គ្លេសនឹងផ្តល់ ១៦ លានផោនខណៈពេលដែលសម្ព័ន្ធមិត្តខាងលិចផ្សេង ទៀតនៃទីក្រុងកៀវ នឹងផ្តល់ ៩លានផោន។
យោងតាមនាយករដ្ឋមន្ត្រីអង់គ្លេស រីស៊ី ស៊ុណាក់ដែលត្រូវដកស្រង់សម្តីនៅក្នុងសេចក្តីថ្លែងការណ៍នោះថា តាមការសង្ស័យ ប្រទេសរុស្ស៊ីបាន ប៉ុនប៉ងវាយប្រហារលើហេដ្ឋារចនាសម្ព័ន្ធអ៊ីនធឺណិតអ៊ុយក្រែន ដែលមាន មុខងារសំខាន់ៗដូចជាៈ ពីប្រតិបត្តិការធនាគារ រហូតដល់ការផ្គត់ផ្គង់ថាមពល៕
