ទីភ្នាក់ងារសារព័ត៌មាន Xinhua បានរាយការណ៍ថា វិទ្យាស្ថានបេតិកភណ្ឌវប្បធម៌ និងបុរាណវិទ្យា នៅខេត្តហឺណាន ភាគកណ្តាលប្រទេសចិន រកឃើញម្ហូបប្រពៃណីចិនមួយមានឈ្មោះថា zongzi អាយុកាលជាង២,០០០ ឆ្នាំដោយស្ថិតក្នុងផ្នូរបុរាណដែលត្រូវគេជីកនៅ Xinyang ។
យោងតាមរបាយការណ៍ អ្នកបុរាណវិទូបានជីករកផ្នូររបស់ស្តេច Chu បុរាណនៅពាក់កណ្តាលនៃសម័យសង្គ្រាម (៤៧៥-២២១ មុនគ.ស.) ហើយបានរកឃើញ អាហាររុំស្លឹក ស្រដៀងនឹងនំប៉ាវដែលផ្ទុកដោយគ្រាប់ធញ្ញជាតិនៅក្នុង ស្លឹក អាហារខ្ចប់។ ក្នុងនោះមាន ៤០ កញ្ចប់ ហើយផ្នែកខ្លះខូចខ្លាំង។
អាហារដែលរុំក្នុងស្លឹក ពួកវាមានអង្កត់ផ្ចិតប្រហែល ១០-១៥ សង់ទីម៉ែត្រ ហើយត្រូវបានរុំដោយស្លឹកធំទូលាយចងដោយខ្សែឬដំបងឈើ។ ការពិនិត្យដោយមីក្រូទស្សន៍បានរកឃើញថា ៣៩កញ្ចប់ក្នុងចំណោម ៤០កញ្ចប់នៃអាហារទាំងនេះត្រូវបានដាក់ដោយអង្ករឆៅដែលមិនបានច្របាច់។ មួយទៀតត្រូវបានដាក់ដោយម្សៅពោតសុទ្ធ។
យោងតាមវិទ្យាស្ថានបេតិកភណ្ឌវប្បធម៌ និងបុរាណវិទ្យាបញ្ចាក់ថា តាមរយៈរូបភាពអាហារបុរាណនោះត្រូវរកឃើញក្នុងផ្នូរលេខ ៨ នៃតំបន់បុរាណវិទ្យា Chengyang ។ ស្លឹកដែលប្រើសម្រាប់រុំ zongzi គឺជាស្លឹកដែលមកពី genus Quercus ស្របតាមការអនុវត្តសម័យទំនើប។ នៅតំបន់ភាគខាងលិច និងភាគខាងត្បូងនៃខេត្តហឺណាន រុំដោយស្លឹករុក្ខជាតិដែលបានរៀបរាប់ខាងលើ។Lan Wanli អ្នកបុរាណវិទ្យានៃវិទ្យាស្ថានបេតិកភណ្ឌវប្បធម៌ និងបុរាណវិទ្យាខេត្ត Henan បាននិយាយថា សំបកស្លឹកដែលពោរពេញទៅដោយគ្រាប់ធញ្ញជាតិត្រូវបានគេចាត់ទុកថាជា zongzi ចំណាស់បំផុតមិនធ្លាប់មាន ដែលអ្នកបុរាណវិទូរកឃើញ ហើយនេះក៏ជាពិចារណាលើការរកឃើញខាងបុរាណវត្ថុ និងទំនៀមទម្លាប់ផ្សេងៗ៕
