ភាគហ៊ុននៃរូបិយប័ណ្ណយ័នចិនក្នុងការទូទាត់ពាណិជ្ជកម្មអន្តរជាតិតាមរយៈប្រព័ន្ធ SWIFT មានចំនួនសរុប ២.៥៤ ភាគរយនៅក្នុងខែឧសភា ដែលជាកម្រិតខ្ពស់បំផុត ចាប់តាំងពីខែមករា ឆ្នាំ២០២២ មក ។
កាលពីខែមករាឆ្នាំ ២០២២ ភាគហ៊ុននៃប្រាក់យ័នក្នុងប្រតិបត្តិការ SWIFT គឺមាន ៣.២ ភាគរយ ខណៈនៅក្នុងខែឧសភា ឆ្នាំ ២០២៣ នេះ វាបានកើនឡើង ០.២៥ ភាគរយ បើប្រៀបធៀបនឹងខែមុនៗ ។
ដោយឡែក ប្រាក់ដុល្លារអាមេរិកនៅតែជារូបិយប័ណ្ណជួញដូរដ៏សំខាន់ក្នុងខែឧសភា មាន ៤២.៦ ភាគរយ ទោះបីជាភាគហ៊ុនរបស់ប្រាក់នេះបានធ្លាក់ចុះ ០.១១ ភាគរយ បើប្រៀបធៀបនឹងខែមេសាក៏ដោយ ។ចំណែកប្រាក់អឺរ៉ូវិញ មិនមានការផ្លាស់ប្តូរអ្វីគួរឲ្យកត់សម្គាល់ឡើយក្នុងខែឧសភា ដោយបានធ្លាក់ចុះបន្តិចបន្តួចប៉ុណ្ណោះគឺ ០.០៤ ភាគរយ មក ៣១.៧ ភាគរយ ។
គួរឲ្យដឹងថា SWIFT គឺជាប្រព័ន្ធធនាគារអន្តរជាតិសម្រាប់ប្រតិបត្តិការហិរញ្ញវត្ថុ និងការទូទាត់ដែលពាក់ព័ន្ធនឹងអង្គការហិរញ្ញវត្ថុធំៗចំនួន ១១,០០០ នៅទូទាំងពិភពលោក ៕
