ធនាគារធំៗរបស់ចិន នាំគ្នាកាត់បន្ថយអត្រាការប្រាក់លើកម្ចីទិញផ្ទះ សម្រាប់អ្នកទើបទិញផ្ទះលើកដំបូង

ធនាគាររដ្ឋសំខាន់ៗរបស់ប្រទេសចិនកំពុងចាប់ផ្តើមបញ្ចុះអត្រាការប្រាក់លើកម្ចីទិញផ្ទះដែលមានស្រាប់សម្រាប់ប្រាក់កម្ចីទិញផ្ទះដំបូង ដោយកាត់បន្ថយពួកគេទៅកម្រិតមួយនៅពេលដែលផ្ទះមួយត្រូវបានទិញ។ នេះបើយោងតាមសារព័ត៌មាន CAN បានចុះផ្សាយការពេលថ្មីៗនេះ។

តាមប្រភពខាងលើបានឲ្យដឹងថា ធនាគារដែលបានបញ្ចុះតម្លៃអត្រាការប្រាក់រួមមាន៖ ធនាគារឧស្សាហកម្ម និងពាណិជ្ជកម្មនៃប្រទេសចិន (ICBC), China Construction Bank Corp, Agricultural Bank of China និង Bank of China បានចេញសេចក្តីថ្លែងការណ៍ដាច់ដោយឡែកពីគ្នាដោយប្រកាសពីការកាត់បន្ថយដូចដែលបានគ្រោងទុក។

ការកាត់បន្ថយនេះគឺជាវិធានការគាំទ្រមួយក្នុងចំណោមវិធានការគាំទ្រជាច្រើនទៀត ដែលទីក្រុងប៉េកាំងបានដាក់ចេញ ក្នុងរយៈពេលប៉ុន្មានសប្តាហ៍ថ្មីៗនេះ ដើម្បីស្តារវិស័យអចលនទ្រព្យ ដែលកំពុងជាប់ផុងក្នុងវិបត្តិ និងស្របពេលមានក្តីបារម្ភកាន់តែខ្លាំងអំពីសុខភាពរបស់សេដ្ឋកិច្ចចិន។
តាមការបញ្ជាក់នៅក្នុងសេចក្តីថ្លែងការណ៍ថា អត្រាការប្រាក់លើប្រាក់កម្ចីទិញផ្ទះដំបូងដែលមានស្រាប់នឹងត្រូវបានបញ្ចុះ ឬកាត់បន្ថយដល់កម្រិតមួយសមស្រប នៅពេលណាដែលផ្ទះមួយត្រូវបានគេទិញ។ ខណៈបច្ចុប្បន្នប្រាក់កម្ចីទិញផ្ទះសរុបនៅប្រទេសចិនមានចំនួន៣៨,៦ពាន់ពាន់លានយ័ន (ប្រហែល៥,៣ពាន់ពាន់លានដុល្លារអាមេរិក) នៅចុងខែមិថុនា ឆ្នាំ២០២៣នេះ៕