ឱកាសល្អបានមកដល់ហើយ សម្រាប់អ្នកចង់ជិះយន្តហោះទៅខេត្តសៀមរាប និងខេត្តព្រះសីហនុ ព្រោះនាពេលនេះក្រុមហ៊ុនអាកាសចរណ៍ដ៏ធំមួយគឺ AirAsia បានប្រកាសចែកសំបុត្រយន្តហោះហ្រ្វីចំនួន ៦ពាន់សំបុត្រដោយអាចជិះហ្រ្វីទៅគោលដៅចំនួន៣ នៅក្នុងស្រុកគឺនៅភ្នំពេញ ខេត្តសៀមរាប និងខេត្តព្រះសីហនុផងដែរ។
សម្រាប់ជើងហោះហើរនេះ នឹងត្រូវចាប់ផ្ដើមពីហោះហើរពីថ្ងៃទី ២ ខែឧសភា ឆ្នាំ ២០២៤នេះតទៅ ដោយប្រើប្រាស់ប្រភេទយន្តហោះ Airbus A320 ពីរគ្រឿងមានមូលដ្ឋាននៅព្រលានយន្តហោះអន្តរជាតិភ្នំពេញ ដោយហោះទៅកាន់គោលដៅពីរជើងក្នុងមួយថ្ងៃ។
គួរជម្រាបដែរថា សម្រាប់អ្នកដែលចង់បានសំបុត្រយន្ដហោះហ្វ្រីអាចចូលទៅកាន់ផុសរបស់យន្តហោះឥតគិតថ្លៃ ៦ពាន់សំបុត្រ អ្នកដំណើរអាចធ្វើការកក់បានទៅតាមគេហទំព័រ airasia.com ឬ ប្រើប្រាស់កម្មវិធីទូរស័ព្ទ App AirAsia Move ដែលកាលពីមុនមានឈ្មោះថា airasia Superapp នោះ។
