Alynana Media Cambodia
Icon Collap
LeftSide2
Right2RightSideBar
Borey Vimean Samnang បុរី វិមានសំណាង
TopContent CheckinMe
TopContent KW SAM SN

ផ្លូវជាតិលេខ៧១C ដែលមានប្រវែងសរុបជិត ១១៥ គីឡូម៉ែត្រ សម្រេចការសាងសង់បាន ៣៧%ហើយ

Admin Alynana | Jun 21, 2022
ផ្លូវជាតិលេខ៧១C ដែលមានប្រវែងសរុបជិត ១១៥ គីឡូម៉ែត្រ សម្រេចការសាងសង់បាន ៣៧%ហើយ
TopContent KW SAM SN Middle

កំពង់ចាម៖ ផ្លូវជាតិលេខ៧១C ចាប់ពីស្រុកត្បូងឃ្មុំ ខេត្តត្បូងឃ្មុំ រហូតដល់ស្រុកចំការលើ ខេត្តកំពង់ចាម ដែលមានប្រវែងសរុបជិត ១១៥ គីឡូម៉ែត្រ សម្រេចការសាងសង់បាន ៣៧%ហើយ គម្រោងនេះ នឹងបញ្ចប់នៅខែតុលា ឆ្នាំ២០២៤។

នេះបើតាមការបញ្ជាក់របស់ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន កាលពីរសៀលថ្ងៃទី២០ ខែមិថុនា ឆ្នាំ២០២២ ខណៈដែលឯកឧត្ដម បានដឹកនាំ​គណៈប្រតិភូក្រសួងអញ្ជើញចុះត្រួតពិនិត្យលក្ខណៈបច្ចេកទេស និងតាមដានវឌ្ឍនភាពការងារនៃ​គម្រោងសាងសង់ផ្លូវជាតិលេខ៧១C ។

នាឱកាសនោះ ឯកឧត្តមទេសរដ្ឋមន្ត្រី ក៏បានគូសបញ្ជាក់ពីលក្ខណៈបច្ចេកទេសនៃការសាង​សង់ផ្លូវនេះ​ដើម្បីគេចផុតពីបញ្ហាទឹកជំនន់ធំផងដែរ ​ព្រោះភូមិសាស្ត្រខ្លះជាប់នឹងទន្លេមេគង្គ ដែល​ត្រូវមានការសាងសង់ស្ពានបើកមុខទឹកប្រវែង ៤០០ម៉ែត្រការពារទឹកហូរបុកដាច់ផ្លូវ និងគ្រឹះផ្លូវ។

ផ្លូវជាតិលេខ៧១C ក្រោយបញ្ចប់ការសាងសង់នឹងក្លាយជាសរសៃឈាម​សេដ្ឋកិច្ចជាតិដ៏មាន​សក្តានុពល​របស់កម្ពុជា ដែលអាចជួយសម្រួលដល់ការតភ្ជាប់ទំនាក់ទំនង​គមនាគមន៍​ធ្វើ​សមាហរណកម្ម​តភ្ជាប់ផ្ទៃក្នុងប្រទេស ​និងជាមួយតំបន់ រួមចំណែកក្នុង​ការ​លើក​កម្ពស់ប្រសិទ្ធភាព​នៃការដោះដូរពាណិជ្ជកម្ម ​វិនិយោគ ដំណាំកសិផល កសិ-ឧស្សាហកម្ម និងទេសចរណ៍​បានឆាប់រហ័ស និងចំណាយតិច​ ជាពិសេសជាមួយប្រទេសជិតខាង។

សូមជម្រាបជូនថា គម្រោងសាងសង់ផ្លូវជាតិលេខ៧១C មានប្រវែងសរុប១១៤,៦២គីឡូម៉ែត្រ ចាប់ផ្តើមពីផ្លូវជាតិលេខ៧ ស្ថិតក្នុងឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ និងបញ្ចប់នៅផ្លូវជាតិលេខ៧១ ស្ថិតក្នុងឃុំស្វាយទាប ស្រុកចំការលើ ខេត្តកំពង់ចាម ។ សាងសង់ដោយក្រុមហ៊ុនសំណង់សៀងហៃ SCG និងត្រួតពិនិត្យបច្ចេកទេសដោយ ក្រុមហ៊ុន​ទីប្រឹក្សាបច្ចេកទេស ក្វាងចូវវ៉ាន អាន គ្រោងចំណាយថវិកាសាងសង់ប្រមាណ ១២៩,៩៨ លានដុល្លារអាមេរិក៕
a63405b32ede94c338c9cfee7fe80f5982bc245992c1f897f817ea2497934c2dbb4a9fb8604fe1568c1b28934b6a10c60f2d41ecb93c394978532ab2ad7e5e4c5fcf733cadaa35f937f31807e7d924a2ca2ef7cc6f6a3a0306592379a8c82411116c2cea8bd8f79102da5de5ea913a960912816a8a13e491c7d98975e71c55b700baec4c84fe928e0aff4a9a6d854cd1fde29bdebb7d4de1399b017a9e788219931320cb9f2a2ba623483e2b543aee4456557c741758487b129d0f425516d56a