ភ្នំពេញ៖ នារសៀលថ្ងៃពុធ ទី១១ ខែឧសភា ឆ្នាំ២០២២ ក្រុមហ៊ុនស្រង់វត្តមាន CheckinMe បានចុះកិច្ចសហប្រតិបត្តិការជាមួយក្រុមហ៊ុន Cyber Grow Solution Co., Ltd. តំណាងដោយលោក ប៊ុន ចាន់ឈីម ក្នុងគោលបំណងជំរុញបច្ចេកវិទ្យាមួយនេះ ទៅកាន់ក្រុមហ៊ុននានា ឲ្យបានកាន់តែលឿន និងកាន់តែមានគុណភាពខ្ពស់។
CheckinMe គឺជាសេវាកម្មស្រង់វត្តមានតាមប្រព័ន្ធ QR កូដ (ពិនិត្យរបាយការណ៍តាម Telegram) ដែលបានផ្តល់ភាពងាយស្រួល និងទំនើបលើការគ្រប់គ្រងវត្តមានបុគ្គលិកជាប្រចាំថ្ងៃ។ បច្ចុប្បន្ន CheckinMe គឺមានមុខងារថ្មីជាច្រើនដូចជា ការស្នើសុំច្បាប់ ការស្នើសុំថែមម៉ោង (OT) តារាងបូកសរុបវត្តមានសម្រាប់បើកប្រាក់ខែ និងមុខងារពិសេសៗជាច្រើនទៀត។
តាមរយៈលោក ឡី កំថូង នាយកប្រតិបត្តិ ក្រុមហ៊ុន CheckinMe បានរៀបរាប់ថា៖ ការចូលរួមពីសំណាក់ដៃគូគឺជាកត្តាយ៉ាងសំខាន់ ជួយបន្ថែមនូវគុណតម្លៃ និងភ្ជាប់ជាមួយសេវាកម្មកាន់តែប្រសើរជូនទៅកាន់អតិថិជន និងក្រុមហ៊ុនដែលកំពុងត្រូវការសេវាកម្មមួយនេះផងដែរ៕
