លោក Tedros Adhanom Ghebreyesus អគ្គនាយកអង្គការសុខភាពពិភពលោក (WHO) បានថ្លែងក្នុងសន្និសីទសារព័ត៌មានមួយនៅទីក្រុងហ្សឺណែវកាលពីថ្ងៃច័ន្ទថា WHO បានបញ្ឈប់ជាបណ្តោះអាសន្នការសិក្សាដោយប្រើ hydroxychloroquine ព្យាបាល Covid-19 ដោយសារបញ្ហាសុវត្ថិភាព បន្ទាប់ពីមានការអង្កេតមួយដែលបានចេញផ្សាយកាលពីថ្ងៃសុក្រក្នុងទស្សនាវដ្តីវេជ្ជសាស្ត្រ The Lancet បានរាយការណ៍ថាអ្នកជំងឺ Covid-19 មានសភាពកាន់តែធ្ងន់ធ្ងរនិងអាចបណ្តាលឱ្យស្លាប់បន្ទាប់ពីព្យាបាលដោយ hydroxychloroquine និង chloroquine យោងតាមសេចក្តីរាយការណ៍របស់ CNN នៅថ្ងៃច័ន្ទនេះ។
លោក Tedros បាននិយាយថា “ក្រុមប្រតិបត្តិការឯករាជ្យមួយតំណាងឱ្យប្រទេសចំនួន ១០ កំពុងពិនិត្យឡើងវិញនូវការប្រើប្រាស់ hydroxychloroquine។ ការសិក្សារបស់ពួកគេបានរកឃើញថាថ្នាំដែល Trumpបានប្រើនិងបានអះអាងក្នុងគោលដៅអាជីវកម្មឱសថថាអាចការពារព្យាបាល Covid-19 គឺផ្ទុយទៅវិញវាអាចផ្សារភ្ជាប់ទៅនឹងហានិភ័យខ្ពស់នៃការគាំងបេះដូងដែលអាចបណ្តាលឱ្យអ្នកជម្ងឺស្លាប់បាន”។
លោកវេជ្ជបណ្ឌិត Soumya Swaminathan ប្រធានអ្នកវិទ្យាសាស្ត្ររបស់ WHO បាននិយាយកាលពីថ្ងៃច័ន្ទថា ”ការសាកល្បងគឺប្រើតែ hydroxychloroquine ប៉ុណ្ណោះទេ មិនមែន chloroquine ដែលមានជាតិពុលច្រើននោះទេ”៕
ប្រភព CNN
