សហរដ្ឋអាមេរិកបាននាំយកយន្តហោះចម្បាំងទំនើបបំផុតរបស់ខ្លួន F-35 ទៅកាន់ប្រទេសឥណ្ឌាជាលើកដំបូងក្នុងសប្តាហ៍នេះ រួមជាមួយនឹងយន្តហោះទម្លាក់គ្រាប់បែក F-16, Super Hornets និង B-1B ខណៈដែលទីក្រុងវ៉ាស៊ីនតោនព្យាយាមទាក់ទាញទីក្រុង New Delhi ឱ្យឆ្ងាយពី ប្រទេសរុស្ស៊ី។
ឥណ្ឌាដែលតែងតែប្រាថ្នាចង់ធ្វើទំនើបកម្មកងយន្តហោះចម្បាំងនាសម័យសូវៀតរបស់ខ្លួន ក្នុងការបង្កើនឥទ្ធិពលអាកាសផងនោះ មានការព្រួយបារម្ភអំពីការពន្យារពេលការផ្គត់ផ្គង់របស់រុស្ស៊ី ដោយសារសង្គ្រាមអ៊ុយក្រែន និងការប្រឈមមុខនឹងសម្ពាធពីលោកខាងលិចឱ្យឃ្លាតឆ្ងាយពីទីក្រុងមូស្គូ។
គណៈប្រតិភូអាមេរិកទៅកាន់កម្មវិធី Aero India រយៈពេលមួយសប្តាហ៍នៅទីក្រុង Bengaluru ដែលបញ្ចប់នៅថ្ងៃសុក្រ គឺជាព្រឹត្តិការណ៍ដ៏ធំបំផុតក្នុងប្រវត្តិសាស្រ្តរយៈពេល 27 ឆ្នាំនៃកម្មវិធីនេះ ហើយបានគូសបញ្ជាក់អំពីទំនាក់ទំនងយុទ្ធសាស្ត្រដែលកំពុងកើនឡើងរវាងសហរដ្ឋអាមេរិក និងឥណ្ឌា។
