ប្រធានាធិបតីស្រីលង្កាបាននិយាយថា មូលនិធិរូបិយវត្ថុអន្តរជាតិហៅកាត់ (IMF) បានអនុម័តសំណើរបស់ខ្លួនសម្រាប់ថវិកាសង្គ្រោះថ្មីចំនួន ២.៩ពាន់លានដុល្លារ។
ក្រុមប្រឹក្សាភិបាលរបស់ IMF បានបញ្ជាក់ថា ខ្លួនបានចុះហត្ថលេខាលើប្រាក់កម្ចីនេះ ដែលនឹងត្រួសត្រាយផ្លូវសម្រាប់បើកនូវមូលនិធិដៃគូផ្សេងៗទៀត និងចាប់ផ្តើមកម្មវិធីរយៈពេល ៤ឆ្នាំដែលត្រូវបានរចនាឡើងដើម្បីពង្រឹងសេដ្ឋកិច្ចរបស់ប្រទេសនេះ។ការសម្រេចចិត្តនេះនឹងអនុញ្ញាតឱ្យមានការទូទាត់ភ្លាមៗប្រហែល ៣៣៣លានដុល្លារ ហើយនឹងជំរុញការគាំទ្រផ្នែកហិរញ្ញវត្ថុពីដៃគូ អាចជួយប្រទេសស្រីលង្កាឱ្យរួចផុតពីវិបត្តិហិរញ្ញវត្ថុដ៏អាក្រក់បំផុតរបស់ខ្លួនក្នុងរយៈពេលជាច្រើនទសវត្សរ៍នេះ។
ប្រធានាធិបតីស្រីលង្កា Ranil Wickremesinghe បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា “ខ្ញុំសូមថ្លែងអំណរគុណចំពោះ IMF និងដៃគូអន្តរជាតិរបស់យើងសម្រាប់ការគាំទ្ររបស់អ្នក ដើម្បីឱ្យសេដ្ឋកិច្ចត្រលប់មកលើផ្លូវសម្រាប់រយៈពេលវែង តាមរយៈការគ្រប់គ្រងសារពើពន្ធប្រកបដោយការប្រុងប្រយ័ត្ន និងរបៀបវារៈកំណែទម្រង់ប្រកបដោយមហិច្ឆតារបស់យើង”។ ការិយាល័យរបស់ Wickremesinghe បាននិយាយថា កម្មវិធី IMF នឹងជួយកែលម្អជំហររបស់ប្រទេសនៅក្នុងទីផ្សារមូលធនអន្តរជាតិ ដែលធ្វើឱ្យវាមានភាពទាក់ទាញសម្រាប់អ្នកវិនិយោគ និងភ្ញៀវទេសចរឡើងវិញ បន្ទាប់ពីផ្អាកបំណុលចិនរយៈពេល១០ឆ្នាំសិន។
ប្រទេសនេះបានជំពាក់បំណុលបរទេសរបស់ខ្លួនក្នុងខែមេសា ឆ្នាំ ២០២២ខណៈដែលប្រទេសនេះបានធ្លាក់ចូលទៅក្នុងវិបត្តិសេដ្ឋកិច្ចដ៏អាក្រក់បំផុតរបស់ខ្លួនចាប់តាំងពីទទួលបានឯករាជ្យ ដោយសារតែកង្វះខាតទុនបម្រុងរូបិយប័ណ្ណបរទេសធ្ងន់ធ្ងរ៕
ប្រភព៖ ALJAZEERA
