វ៉ាស៊ីនតោន៖ សហរដ្ឋអាមេរិកបានប្រកាសបញ្ចេញកញ្ចប់ទណ្ឌកម្មជុំថ្មីលើរុស្ស៊ី ដោយផ្តោតលើផ្នែកសេវាកម្ម និងឧស្សាហកម្មការពារជាតិរបស់ខ្លួន នៅមុនថ្ងៃប្រារព្ធទិវាជ័យជម្នះនៅថ្ងៃចន្ទនេះ ដើម្បីរំឮកដល់ខួបលើកទី៧៧ នៃជ័យជម្នះរបស់កងទ័ពអតីតសហភាពសូវៀតលើកងទ័ពណាហ្ស៉ី អាល្លឺម៉ង់ ក្នុងសម័យសង្រ្គាមលោកលើកទី២ ។
វិធានការថ្មីនេះត្រូវបានប្រកាសនៅពេលដែលមេដឹកនាំមកពីក្រុមប្រទេស G7 បានរៀបចំកិច្ចប្រជុំកំពូលតាមប្រព័ន្ធអ៊ីនធើណិតជាមួយប្រធានាធិបតីអ៊ុយក្រែនលោក វ៉ូឡូឌីមៀ ហ្សេលេនស្គី ក្នុងការបង្ហាញសាមគ្គីភាព។ ពួកគេត្រូវបានបម្រុងទុកជាចម្បងដើម្បីបិទចន្លោះប្រហោងនៅក្នុងការដាក់ទណ្ឌកម្មដែលមានស្រាប់ និងដើម្បីរឹតបន្តឹងបន្ថែមទៀតទៅលើសេដ្ឋកិច្ចរុស្ស៊ី។
ទណ្ឌកម្មថ្មីនេះរួមមាន៖ – ការហាមប្រាមលើការលក់សេវាកម្មរបស់សហរដ្ឋអាមេរិកទៅឱ្យរុស្ស៊ី ដូចជាផ្នែកគណនេយ្យ និងការគ្រប់គ្រង។ – មិនមានការផ្សាយពាណិជ្ជកម្ម ឬការលក់ឧបករណ៍ផ្សព្វផ្សាយរបស់សហរដ្ឋអាមេរិកទៀតទេ ដល់ស្ថានីយ៍ទូរទស្សន៍ដែលគ្រប់គ្រងដោយវិមានក្រឹមឡាំងចំនួនបី។
- បម្រាមនាំចេញបច្ចេកវិទ្យារួមមាន៖ ម៉ាស៊ីនឧស្សាហកម្ម គ្រឿងចក្រឈូសឆាយ និងរបស់របរផ្សេងទៀត ដែលរោងចក្រការពារជាតិរុស្ស៊ីអាចប្រើប្រាស់បាន។ – ការរឹតបន្តឹងទិដ្ឋាការលើជនជាតិរុស្ស៊ី និងបេឡារូស ២,៦០០នាក់ផ្សេងទៀត៕
