បទវិភាគៈ សេដ្ឋកិច្ចពិភពលោកកំពុងខិតជិតដល់ការធ្លាក់ចុះសេដ្ឋកិច្ចទាំងស្រុងហើយ ខណៈដែលអ្នកសេដ្ឋកិច្ចដែលត្រូវបានស្ទង់មតិដោយ Reuters ជាថ្មីម្តងទៀត បានកាត់បន្ថយការព្យាករណ៍កំណើនសេដ្ឋកិច្ចសំខាន់ៗរបស់ខ្លួន ស្របពេលដែលធនាគារកណ្តាលសហរដ្ឋអាមេរិក នៅតែបន្តដំឡើងអត្រាការប្រាក់ដើម្បីកាត់បន្ថយអតិផរណាកុំឲ្យមានការកើនឡើខ្ពស់។
មានការស្រាយបំភ្លឺមួយបង្ហាញថា សេដ្ឋកិច្ចធំ ៗ ភាគច្រើនបានជួបវិបត្តិសេដ្ឋកិច្ចរួចទៅហើយ ឬ ប្រទេសមួយចំនួនទៀតក៏កំពុងឆ្ពោះទៅវិបត្តិសេដ្ឋកិច្ចដូចគ្នា ចាប់ផ្តើមដោយ ភាពអត់ការងារធ្វើនៅក្នុងសង្គម។ ជាការពិតណាស់ ការស្ទង់មតិចុងក្រោយគេរំពឹងថា នឹងមានអត្រាកំណើន និងភាពគ្មានការងារធ្វើ មានគម្លាតតូចបំផុតមួយក្នុងរយៈពេលបួនទសវត្សរ៍ទៀត។
ខណៈពេលដែលធ្វើឱ្យអាំងតង់ស៊ីតេសេដ្ឋកិច្ចធ្លាក់ចុះបាន អ្នកឆ្លើយសំណួរភាគច្រើននិយាយថា វានឹងមានរយៈពេលខ្លី និងឆាប់នៅក្នុងសេដ្ឋកិច្ចសំខាន់ៗមួយចំនួន ដែលអាចរក្សាការកើនឡើងអតិផរណាមានរយះពេលវែង ជាងការរំពឹងទុកនាពេលបច្ចុប្បន្ន។
ភាគច្រើននៃធនាគារកណ្តាលពិភពលោក គឺជាងពីរភាគបីបានគិតថា យកការកំណត់អត្រាការប្រាក់ដើម្បីទប់ទល់ នឹងអតិផរណារបស់ពួកគេ ប៉ុន្តែហានិភ័យគឺលើការរំពឹងទុកអត្រាការប្រាក់ទាំងនោះទាបពេក។
បន្ទាប់ពីមានការយឺតយ៉ាវក្នុងការដោះស្រាយបញ្ហាអតិផរណា ធនាគារកណ្តាលពិភពលោកបានចំណាយពេលជាច្រើននៅឆ្នាំនេះ លើការដំឡើងអត្រាការប្រាក់ក្នុងកម្រិតខ្ពស់មួយ។ អ្នកសេដ្ឋកិច្ច និងធនាគារកណ្តាលភាគច្រើនយល់ឃើញថា វានឹងមានការងារតិចតួចដែលត្រូវធ្វើនៅឆ្នាំក្រោយ។
លោក Michael Every អ្នកយុទ្ធសាស្រ្តសកលនៅ Rabobank បាននិយាយថា "ហានិភ័យនៃវិបត្តិសេដ្ឋកិច្ចសកល" គឺជាអ្វីដែលមនុស្សគ្រប់គ្នាកំពុងនិយាយអំពីវា ហើយបានក្លាយជាការព្យាករណ៍យ៉ាងសំខាន់។ "ខ្ញុំគិតថា នោះជារឿងដែលមិនមានគំនិតទាល់តែសោះ នៅពេលអ្នកមើលនិន្នាការនៅក្នុងសេដ្ឋកិច្ចសំខាន់ៗទាំងអស់"។
ការក្រឡេកមើលអត្រាគ្មានការងារធ្វើគឺជាបញ្ហា ដែលគ្រប់គ្នាបាននិយាយថា ដោយសារតែវាជាសូចនាករយឺតយ៉ាវហើយ "កាន់តែយូរវាកាន់តែរឹងមាំ ធនាគារកណ្តាលភាគច្រើននឹងមានអារម្មណ៍ថាពួកគេអាចបន្តដំឡើងអត្រាការប្រាក់"។
ក្នុងចំណោមធនាគារកណ្តាលចំនួន 22 ដែលបានស្ទង់មតិលើកនេះ មានតែប្រាំមួយប៉ុណ្ណោះដែលត្រូវបានគេរំពឹងថា នឹងឈានដល់គោលដៅអតិផរណារបស់ពួកគេ នៅចុងឆ្នាំក្រោយ។ នោះគឺជាការទម្លាក់ចំណាត់ថ្នាក់ពីការស្ទង់មតិខែកក្កដា ដែលពីរភាគបីនៃ 18 ធនាគាកណ្ដាល ត្រូវបានគេរំពឹងថានឹងឈានដល់គោលដៅរៀងៗខ្លួននៅពេលនោះ។
អ្នកវិភាគនៅធនាគារ Deutsche Bank បានសរសេរថា "... ប្រវត្តិសាស្រ្តមិនដែលកើតឡើងដដែលៗទេ ប៉ុន្តែចាប់តាំងពីការព្យាករណ៍អតិផរណា ជាទូទៅមានភាពអន់ថយក្នុងរយៈពេល 18 ខែចុងក្រោយនេះ វាសមនឹងសួរថា តើមានអ្វីកើតឡើងជាធម្មតានៅពេលដែលអតិផរណាលើសកម្រិតទាំងនេះ។
ក្នុងពេលនេះទីផ្សារភាគហ៊ុន និងមូលបត្របំណុលពិភពលោកស្ថិតក្នុងភាពច្របូកច្របល់ ខណៈពេលដែលប្រាក់ដុល្លារអាមេរិកស្ថិតនៅកម្រិតកំពូលរយៈពេលជាច្រើនទសវត្សរ៍នៅក្នុងទីផ្សារប្តូរប្រាក់បរទេសដោយផ្អែកលើការរំពឹងទុកនៃអត្រាសហរដ្ឋអាមេរិក។
ភាគច្រើន 70% នៃសេដ្ឋវិទូជំនាញ 179 នៃ 257 បាននិយាយថា ឱកាសនៃការកើនឡើងយ៉ាងខ្លាំងនៃភាពអត់ការងារធ្វើក្នុងឆ្នាំខាងមុខនេះ មានកម្រិតទាបទៅទាបទៅ ដោយគូសបញ្ជាក់នៅក្នុងតារាងព្យាករណ៍ ថាវានឹងមិនមែនជាវិបត្តិសេដ្ឋកិច្ចដ៏សាហាវនោះទេ។
កំណើនសេដ្ឋកិច្ចសកលត្រូវបានព្យាករណ៍ថានឹងធ្លាក់ចុះមកនៅត្រឹម 2.3% ក្នុងឆ្នាំ 2023 នឹងមានការំពឹងទុកថាមាន 2.9% នៅឆ្នាំនេះ ហើយមានការស្ទុះងើបឡើងវិញដល់ 3.0% ក្នុងឆ្នាំ 2024 នេះបើយោងតាមការស្ទង់មតិរបស់ Reuters លើសេដ្ឋកិច្ចសំខាន់ៗចំនួន 47 ដែលបានធ្វើឡើងកាលពីថ្ងៃទី ២៦ ខែកញ្ញា ដល់ ២៥ ខែតុលា។
ជាង 70% នៃសេដ្ឋវិទូ 173 នាក់ក្នុងចំណោម 242 បាននិយាយថា វិបត្តិនៃការរស់នៅក្នុងបរិបទសេដ្ឋកិច្ចដ៏អាក្រក់នេះក្នុងរយៈពេលប្រាំមួយខែខាងទៀត។ តែមានសេដ្ឋវិទូ 64 នាក់ទៀត រំពឹងថាវានឹងប្រសើរឡើង។
ខណៈពេលដែលវដ្តអតិផរណាមានលក្ខណៈជាសកល ដែលកាន់តែអាក្រក់ទៅៗ ដោយការកើនឡើងភ្លាមៗនៃតម្លៃថាមពល បន្ទាប់ពីប្រទេសរុស្ស៊ីបានឈ្លានពានអ៊ុយក្រែននៅថ្ងៃទី 24 ខែកុម្ភៈ ភាគច្រើន អាស្រ័យលើ ថាតើធនាគារកណ្តាលអាមេរិកទំនងជានឹងជំរុញអត្រាខ្ពស់ជាងនេះទៅទៀតឬក៏យ៉ាងណា។
The Fed មានការរំពឹងថា នឹងបន្តដំឡើងអត្រាការប្រាក់ជាលើកទី 4 នៅថ្ងៃទី 2 ខែវិច្ឆិកា ហើយអ្នកសេដ្ឋកិច្ចនិយាយថាវាមិនគួរផ្អាករហូតដល់អតិផរណាធ្លាក់ចុះដល់ពាក់កណ្តាលកម្រិតបច្ចុប្បន្ននោះទេ។
ប្រទេសចិន ដែលជាមហាអំណាចសេដ្ឋកិច្ចទីពីររបស់ពិភពលោក ត្រូវបានគេរំពឹងថានឹងកើនឡើង 3.2% នៅឆ្នាំ 2022 ពោលគឺទាបជាងគោលដៅផ្លូវការប្រហែល 5.5% ហើយក៏ទាបជាងអត្រាកំណើនមុនការរាតត្បាតជំងឺកូវីដផងដែរ។
ដោយមិនរាប់បញ្ចូលការកើនឡើងតិចតួច 2.2% បន្ទាប់ពីការប៉ះពាល់ដំបូងរបស់ COVID-19 ក្នុងឆ្នាំ 2020 នោះនឹងក្លាយជាដំណើរការដ៏អាក្រក់បំផុតចាប់តាំងពីឆ្នាំ 1976 មក។
សេដ្ឋកិច្ចរបស់ប្រទេសឥណ្ឌាក៏ត្រូវបានគេព្យាករណ៍ថានឹងកើនឡើងយ៉ាងល្អនៅក្រោមសក្តានុពលរបស់ខ្លួនក្នុងរយៈពេល 2 ឆ្នាំខាងមុខ ជាមួយនឹងមធ្យមភាគបង្ហាញពីកំណើន 6.9% ក្នុងឆ្នាំសារពើពន្ធ 2022-23 និង 6.1% នៅឆ្នាំក្រោយ។ សេដ្ឋកិច្ចតំបន់ចាយប្រាក់អឺរ៉ូត្រូវបានគេរំពឹងថានឹងកើនឡើង 3.0% នៅឆ្នាំនេះផងដែរ៕
