ក្នុងប្រវត្តិសាស្ត្រជាយូរយារណាស់មកហើយ ពិភពលោកត្រូវបានគ្របដណ្ដប់ដោយទេវកថាថា ទំនើបភាវូបនីយកម្ម គឺសំដៅទៅលើ ការរីកចំរើនរបស់បស្ចិមប្រទេស។ ការលេចឡើងនៃទំនើបភាវូបនីយកម្មរបស់ចិនបាន ធ្វើឱ្យទំនើបភាវូបនីយកម្មលែងជាជម្រើសតែមួយ ដូចមុន ប៉ុន្តែជាពហុជម្រើស។
សម្រាប់ពិភពលោក ភារកិច្ចរបស់ប្រទេសចិនក្នុងការធ្វើទំនើបកម្មប្រទេសមួយដែលមានប្រជាជនចំនួន 1.4 ពាន់លាននាក់ ឬជិតមួយភាគប្រាំនៃចំនួនប្រជាជនពិភពលោក គឺពិតជាមិនធ្លាប់មានពីមុនមក។ ការខិតខំប្រឹងប្រែងរបស់ប្រទេសចិន មិនត្រឹមតែទាក់ទាញការចាប់អារម្មណ៍ជាសកលប៉ុណ្ណោះទេ ប៉ុន្តែក៍ជាបទពិសោធនដឹកនាំជាសកលផងដែរ។
ក្នុងចំណោមគំនិតផ្តួចផ្តើមជាច្រើនដែលចិនលើកកម្ពស់ទាំងអភិបាលកិច្ចរដ្ឋ និងអន្តរសកម្មជាសកល ផ្លូវរបស់ចិនទៅកាន់ទំនើបភាវូបនីយកម្មគឺជាពាក្យគន្លឹះដ៏ពេញនិយមបំផុតដែលមនុស្សចង់ដឹងបន្ថែម នេះបើយោងតាមការស្ទង់មតិក្រៅប្រទេសដែលធ្វើឡើងដោយទីភ្នាក់ងារសារព័ត៌មានស៊ីនហួនាពេលថ្មីៗនេះ។
លោក Keith Bennett អ្នកឯកទេសចិន និងជាអនុប្រធាននៃក្លឹប 48 Group របស់ចក្រភពអង់គ្លេសបាននិយាយថា "មាគ៌ារបស់ប្រទេសចិនឆ្ពោះទៅរកទំនើបកម្មឆ្លុះបញ្ចាំងពីប្រាជ្ញាចិន អរិយធម៌ចិន និងប្រវត្តិសាស្រ្ត"។
ប្រទេសចិនតែងតែរក្សាការអភិវឌ្ឍន៍ និងសន្តិភាពរបស់ពិភពលោកក្នុងចិត្តក្នុងដំណើរការទំនើបកម្មរបស់ខ្លួន។ នោះគឺដោយសារទីក្រុងប៉េកាំងយល់យ៉ាងពេញលេញថា ខ្លួននឹងធ្វើបានល្អ លុះត្រាតែពិភពលោកធ្វើបានល្អ។
លោក Pierre Moussa អគ្គលេខាធិការនៃគណបក្សការងារកុងហ្គោបាននិយាយថា មាគ៌ារបស់ចិនទៅកាន់ទំនើបភាវូបនីយកម្មគឺជា "គំរូ" សម្រាប់ប្រទេសកំពុងអភិវឌ្ឍន៍ ជាពិសេសបណ្តាប្រទេសនៅទ្វីបអាហ្រ្វិក នៅពេលដែលពួកគេបានប្រឈមមុខនឹងវិបត្តិជាច្រើនដែលរារាំងការអភិវឌ្ឍន៍របស់ពួកគេក្នុងប៉ុន្មានឆ្នាំថ្មីៗនេះ៕
