ក្រសួងសេដ្ឋកិច្ច និងហិរញ្ញវត្ថុ បានប្រកាសលើកលែងពន្ធអចលនទ្រព្យទៅលើក្រុងថ្មីចំនួនបួន រួមមានក្រុងឧដុង្គម៉ែជ័យ នៃខេត្តកំពង់ស្ពឺ ក្រុងអរិយក្សត្រ និងក្រុងសំពៅពូន នៃខេត្តកណ្តាល និង ក្រុងបូកគោ នៃខេត្តកំពត រហូតដល់ដំណាច់ឆ្នាំ ២០២៣។ នេះបើយោងតាមការប្រកាសរបស់ក្រសួងសេដ្ឋកិច្ច និងហិរញ្ញវត្ថុ នាពេលថ្មីៗនេះ។យោងតាមប្រកាសរបស់ក្រសួងសេដ្ឋកិច្ច និងហិរញ្ញវត្ថុ បានសម្រេចដូចខាងក្រោម៖
ប្រការ១៖ ត្រូវលើកលែងពន្ធលើអចលនទ្រព្យរហូតដល់ដំណាច់ឆ្នាំ ២០២៣ ចំពោះអចលនទ្រព្យដែលស្ថិតនៅក្រុងថ្មីនៃខេត្តទាំងបីខាងលើ។
ប្រការ២៖ ម្ចាស់អលចនទ្រព្យទាំងអស់ដែលស្ថិតក្នុងក្រុងដូចមានកំណត់ក្នុងប្រការ១ នៃប្រកាសនេះ ត្រូវមានកាតព្វកិច្ចចុះបញ្ជីអលចនទ្រព្យនៅសាខាពន្ធដារខេត្តដែលអចលនទ្រព្យស្ថិតនៅ ឬនៅនាយកដ្ឋានពន្ធចលទ្រព្យ និងអលចនទ្រព្យនៃអគ្គនាយកពន្ធដារ។ ប៉ុន្តែពុំមានកាតព្វកិច្ចដាក់លិខិតប្រកាស និងបង់ពន្ធលើអលចនទ្រព្យរហូតដល់ដំណាច់ឆ្នាំ ២០២៣។
ប្រការ៣ ៖ ដោយមានពីរចំណុចបន្ថែមទៀត៖ ១. ក្នុងករណីអលចនទ្រព្យស្ថិតក្នុងក្រុងដូចមានដំណាច់ក្នុងប្រការ១ នៃប្រកាសនេះ បានបង់ពន្ធលើអលចនទ្រព្យរួចហើយ ចំនួនប្រាក់ពន្ធដែលបានបង់រួចនោះ ត្រូវបានអនុញ្ញាតឱ្យធ្វើជាឥណទានយោងសម្រាប់យកទៅកាត់កងពន្ធលើអលចនទ្រព្យសម្រាប់ឆ្នាំបន្តបន្ទាប់។ ២. ម្ចាស់អលចនទ្រព្យ ត្រូវស្នើសុំឥណទានលើអលចនទ្រព្យដែលបានបង់រួច នៅសាខាពន្ធដារខេត្តដែលអលចនទ្រព្យស្ថិតនៅ ឬអគ្គនាយកដ្ឋានពន្ធដារ សម្រាប់យកទៅកាត់កងពន្ធលើអលចនទ្រព្យសម្រាប់ឆ្នាំជាប់ពន្ធបន្តបន្ទាប់។
ប្រកា៤ ៖ រដ្ឋមន្ត្រីប្រតិភូអមនាយករដ្ឋមន្ទ្រី នាយកខុទ្ទកាល័យ អគ្គលេខាធិការ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានឬអគ្គនាយកនៃគ្រប់អគ្គនាយកដ្ឋាន អគ្គាធិការនៃអគ្គាធិការដ្ឋាន និងប្រធានគ្រប់អង្គភាពក្រោមឱវាទក្រសួកសេដ្ឋកិច្ច និងហិរញ្ញវត្ថុ ត្រូវទទួលបន្ទុកអនុវត្តប្រកាសនេះតាមភារកិច្ចរៀងៗខ្លួន ចាប់ពីថ្ងៃចុះហត្ថលេខាតទៅ៕
