បុរសម្នាក់បានបំបែកកំណត់ត្រាពិភពលោក ចាប់បានត្រីប្រា (catfish) ប្រវែងជិត៣ម៉ែត្រនៅក្នុងទន្លេវែងបំផុតរបស់ប្រទេសអ៊ីតាលី។ នេះបើយោងតាមប្រភពកាសែតឌឹញូយ៉កប៉ុស្តិ៍ចុះផ្សាយនៅថ្ងៃទី ១២ ខែមិថុនា ឆ្នាំ២០២៣។
វីដេអូផ្សេងៗចុះដោយរ៉យទ័រ បានបង្ហាញឲ្យឃើញយ៉ាងច្បាស់ពីត្រីប្រាយក្ស (catfish) ប្រវែង៩.៣៥ ហ្វីត ដែលស្មើនឹង(២.៨៥ ម៉ែត្រ) ត្រូវបានចាប់ដោយបុរសម្នាក់ឈ្មោះ Biancardi ក្នុងរយៈពេល ៤០នាទីនៃ ទន្លេPo ដែលជាទន្លេវែងជាងគេបំផុតនៅប្រទេសអ៊ីតាលី។ បុរសនេះនិយាយថា “ប្រុសៗ នេះជាកំណត់ត្រាពិភពលោក Guinnessរបស់យើង។ ខ្ញុំមិនដែលរំពឹងថានឹងអាចចាប់បានដូចពេលនេះទេ”។ ក្រោយពីថតរូបនិងវាស់វែងរួចហើយ ត្រីដែលដូចជាប្រភេទត្រីប្រាយក្សនេះ ត្រូវបានដាក់ចូលទន្លេវិញ។ Biancardi បាននិយាយនៅក្នុងវីដេអូថា “ឥឡូវនេះខ្ញុំដោះលែងត្រីដ៏ស្រស់ស្អាតនេះ”។
វាជាការនេសាទត្រីទឹកសាបដ៏ធំបំផុតដែលមិនធ្លាប់មានកំណត់ត្រាលើកដំបូងមិនធ្លាប់មាន បន្ទាប់ពីការរកឃើញត្រីប្រាយក្សប្រវែងប្រាំបួនហ្វីត ស្មើនឹងប្រហែល ២.៧៤ម៉ែត្រ ធ្លាប់ត្រូវបានគេរកឃើញនៅភាគខាងជើងប្រទេសថៃក្នុងឆ្នាំ ២០០៥ មានទម្ងន់ ៦៤៦ ផោន៕
