បុរសម្នាក់ត្រូវបានចាប់ខ្លួនពីបទព្យាយាមរួមភេទជាមួយដើមឈើមួយដើម បន្ទាប់ពីមានការភ្ញាក់ផ្អើលឃើញគាត់ស្រាតមុននឹងថើប និងត្រដុសគល់ឈើ។ នេះបើយោងតាមប្រភពកាសែត ដេលីមែលអង់គ្លេស។
ហេតុការណ៍នេះបានកើតឡើងនៅក្នុងប្រទេសអង់គ្លេស នៅក្នុងសួនច្បារ Queen Elizabeth Gardens, Salisbury, Wiltshire កាលពីថ្ងៃអង្គារ។មហាជនមានការព្រួយបារម្មណ៍ចំពោះអាកប្បកិរិយារបស់បុរសនោះ នៅពេលដែលគាត់បានសម្រាតខ្លួនរបស់គាត់ភ្លាមៗ ហើយចាប់ផ្តើមត្រដុសរាងកាយរបស់គាត់ជាមួយនឹងសំបកឈើ។ ខ្សែវីដេអូបង្ហាញពីបុរសម្នាក់នោះបានដោះខោខ្លីពណ៌ខៀវរបស់គាត់ចេញ ហើយដោះអាវយឺតជើងទឹកចេញមុននឹងឱបដើមឈើ។
បុរសម្នាក់នេះ មិនត្រូវបានបញ្ជាក់ឈ្មោះទេ គ្រាន់តែដឹងថាមានអាយុជាង៤០ឆ្នាំ ត្រូវបានចាប់ខ្លួន ក្រោមការសង្ស័យពីបទបង្ហាញភាពមិនសមរម្យ តែត្រូវបានដោះលែងឱ្យនៅក្រៅឃុំ ខណៈការសាកសួរកំពុងបន្ត។ សាក្សីម្នាក់បាននិយាយថា៖ “ខ្ញុំគ្រាន់តែដើរលេងក្នុងសួនឧទ្យានជាមួយមិត្តរួមម្នាក់ ហើយយើងបានឃើញបុរសម្នាក់ឱបដើមឈើ ហើយគិតថាវាគួរឲ្យចាប់អារម្មណ៍ណាស់”៕
