មាសរងសម្ពាធពីការដំឡើងការប្រាក់ខណៈអ្នកជំនាញថានឹងបន្តដាំក្បាលចុះ

លើសពីនេះព័ត៌មានថ្មីមួយទៀតចេញពីទឹកដីអាមេរិកក៏បន្តដាក់សម្ពាធផងដែរ។ ជាក់ស្ដែងទិន្នន័យស្ដីពីទំនុកចិត្តនៃអ្នកប្រើប្រាស់ដែលហៅកាត់ថាCCIនៅសហរដ្ឋអាមេរិកមានការកើនឡើងដែលមានន័យប្រជាជនចាប់ផ្ដើមមានទំនុកចិត្តលើផ្នែកហិរញ្ញវត្ថុហើយចាប់ផ្ដើមធ្វើសកម្មភាពចាយវាយធ្វើឲ្យមានសកម្មភាពសេដ្ឋកិច្ចនិងជួយជំរុញដល់សេដ្ឋកិច្ច។ ដូច្នេះកត្តាមួយនេះគឺជាកត្តាធំមួយដែលបានបន្តដាក់សម្ពាធលើមាសឲ្យធ្លាក់ចុះបន្តទៀត។ក្រៅពីនេះព័ត៌មាននៅអាមេរិកក៏មានកត្តាផ្សេងទៀតដែលដាក់សម្ពាធបន្ថែមលើមាស ដូចជានៅទីផ្សារអឺរ៉ុបប្រទេសអង់គ្លេសបានចាប់ផ្ដើមដំឡើងអត្រាការប្រាក់ផោនចំនួន០.៥០%ពី៤.៥០%មក៥%ដើម្បីប្រឆាំងនឹងអតិផរណាដែលកំពុងស្ថិតនៅអត្រាមួយខ្ពស់។ ចំណែកលោកស្រី Christine Lagarde ប្រធានធនាគារកណ្ដាលរបស់អឺរ៉ុបបានឲ្យដឹងថាអតិផរណានៅជាបញ្ហាចោទដូច្នេះការដំឡើងការប្រាក់នឹងត្រូវធ្វើបន្តទៀត។