ចក្រភពអង់គ្លេសគ្រោងវិនិយោគ ១ ពាន់លានផោនលើការវិនិយោគវិស័យឧស្សាហកម្មបន្ទឈីបសៀគ្វី semiconductor នៅក្នុងយុទ្ធសាស្រ្តថ្មី។ នេះបើតាមការចេញផ្សាយដោយសារព័ត៌មានរ៉យទ័រថ្ងៃទី១៩ ខែឧសភា ឆ្នាំ២០២៣។
ចក្រភពអង់គ្លេសបានប្រកាសពីការវិនិយោគ ១ពាន់លានផោន ដែលស្មើនឹង (១.២៦ពាន់លានដុល្លារ) សម្រាប់វិស័យបន្ទះឈីបsemiconductor របស់ខ្លួននៅថ្ងៃសុក្រ ក្នុងយុទ្ធសាស្ត្រដែលរង់ចាំជាយូរមកហើយ ដែលមានបំណងពង្រឹងឧស្សាហកម្មក្នុងស្រុក និងខ្សែសង្វាក់ផ្គត់ផ្គង់បន្ទះឈីប។ នាយកដ្ឋានដែលទើបបង្កើតថ្មីរបស់រដ្ឋាភិបាលសម្រាប់វិទ្យាសាស្ត្រ នវានុវត្តន៍ និងបច្ចេកវិទ្យា (DSIT) បាននិយាយថា យុទ្ធសាស្ត្រនេះផ្តោតលើតួនាទីរបស់ចក្រភពអង់គ្លេសក្នុងការរចនាឧបករណ៍ពាក់កណ្ដាលដែលប្រើក្នុងអ្វីគ្រប់យ៉ាងចាប់ពីរថយន្តរហូតដល់ស្មាតហ្វូន និងម៉ាស៊ីនបោកគក់។
នាយករដ្ឋមន្ត្រី Rishi Sunak បាននិយាយនៅក្នុងសេចក្តីថ្លែងការណ៍មួយថា “យុទ្ធសាស្រ្តថ្មីរបស់យើងផ្តោតលើការខិតខំប្រឹងប្រែងរបស់យើងលើកន្លែងដែលភាពខ្លាំងរបស់យើងស្ថិតនៅក្នុងផ្នែកដូចជា ការស្រាវជ្រាវ និងការរចនា ដូច្នេះយើងអាចកសាងការប្រកួតប្រជែងរបស់យើងនៅលើឆាកពិភពលោក”។ ចក្រភពអង់គ្លេសនឹងវិនិយោគ ២០០ លានផោនក្នុងឆ្នាំ ២០២៣ដល់២០២៥ដែលនឹងកើនឡើងដល់ ១ ពាន់លានផោនក្នុងទសវត្សរ៍ក្រោយ។
លោកនាយករដ្ឋមន្រ្តី Sunak កំពុងស្ថិតនៅក្នុងប្រទេសជប៉ុនសម្រាប់កិច្ចប្រជុំមេដឹកនាំនៃក្រុមប្រទេសទាំងប្រាំពីរ (G7) សប្តាហ៍នេះ ដែលជាកន្លែងដែលគាត់បានយល់ព្រមជាមួយនាយករដ្ឋមន្រ្តីជប៉ុន Fumio Kishida ដើម្បីចាប់ផ្តើម “ភាពជាដៃគូ semiconductors”ដើម្បីសហការលើការស្រាវជ្រាវ និងជំរុញភាពធន់នៃខ្សែសង្វាក់ផ្គត់ផ្គង់។
យុទ្ធសាស្ត្ររបស់ចក្រភពអង់គ្លេសកើតឡើង បន្ទាប់ពីការខ្វះខាតបន្ទះឈីបនៅទូទាំងពិភពលោកអំឡុងពេលជំងឺរាតត្បាត COVID-19 បានរំខានដល់ឧស្សាហកម្មជាច្រើន និងប៉ះពាល់ដល់ការផលិតរថយន្ត៕
