MOSCOW ៖ មជ្ឈមណ្ឌលឆ្លើយតបនឹងរោគឆ្លងជាតិបាននិយាយកាលពីថ្ងៃសៅរ៍ថា ប្រទេសរុស្ស៊ីបានចុះបញ្ជីកំណត់ត្រាជំងឺកូវីដ១៩ចំនួន ៩.៦២៣ ករណីក្នុងរយៈពេល ២៤ ម៉ោងកន្លងមកដែលសរុបទៅមានចំនួន ១២៤.០៥៤ នាក់។ នេះបើយោងតាមការផ្សារបស់Sputnikនៅថ្ងៃសៅរ៍ទី ២ ខែឧសភាឆ្នាំំ២០២០ នេះ។
រោគរាតត្បាតបានសម្លាប់មនុស្សជិត ២៤០.០០០ នាក់រួចទៅហើយនៅទូទាំងពិភពលោកដោយយ៉ាងហោចណាស់មានករណីចំនួន ៣.៤០០.០០០ ករណីត្រូវបានបញ្ជាក់។ ទោះជាយ៉ាងណាក៏ដោយយ៉ាងហោចណាស់មនុស្សមួយលាននាក់ក៏បានជាសះស្បើយពីជំងឺនេះដែរ។
បច្ចុប្បន្នសហរដ្ឋអាមេរិក ឈរនៅលើបញ្ជីប្រទេសដែលរងផលប៉ះពាល់ខ្លាំងបំផុតដោយវីរុសនេះ ដោយយ៉ាងហោចណាស់ មានចំនួន ១.១០០.០០០ នាក់និងអ្នកស្លាប់ប្រហែល ៦៥.០០០ នាក់។ ចំណែកឯនៅអឺរ៉ុប អេស្ប៉ាញ និងអ៊ីតាលីកំពុងរាយការណ៍អំពីចំនួនខ្ពស់បំផុតផងដែរ។
គួរបញ្ជាក់ថា អាជ្ញាធរនៅក្នុងប្រទេសមួយចំនួនរួមទាំងចក្រភពអង់គ្លេសបានបញ្ជាក់ថាកម្រិតខ្ពស់បំផុតនៃការផ្ទុះឡើងបានឈានដល់កម្រិតប្រកាសអាសន្ន ហើយដោយមានប្រទេសជាច្រើនបានប្រកាសថាពួកគេនឹងលើកវិធានការរឹតត្បិតក្នុងពេលឆាប់ៗនេះ៕
